Kynvannow 5:17 - An Bibel Kernewek 20234 (Kernewek Kemmyn)

¹⁷ Rakhenna devedhys ha bos klav yw agan kolonn, rakhenna tewlhes yw agan dewlagas,

Kynvannow 5:17 ပူးပေါင်းရင်းမြစ်များ

Job 17:7

Ow lagas re dheuth ha bos gwann drefenn duwon, ha kepar ha skeus yw oll ow eseli.

Salmow 31:9

Bydh grassyes orthiv, A Arloedh, rag yth ov vy yn ankres; ow lagas a fyll drefenn poenvos; ha'm enev ha'm torr ynwedh.

Salmow 38:8

Difredh ov vy ha brewys dres eghenn; my re hanasas drefenn ankres ow holonn.

Salmow 6:7

Ow lagas a fyll drefenn poenvos; ev a wannha drefenn ow eskerens oll.

Salmow 69:3

Skwith ov vy ow karma; ronk yw ow bryansenn. Ow dewlagas a fyll, ha my ow kortos ow Duw.

Ysay 1:5

Prag y fydhowgh gweskys hwath moy? Prag y pesyowgh yn rebellyans? An penn dien yw klav, oll an golonn yw klamderek.

Ysay 38:14

Kepar ha gwennel po garan, yndella y gryllis; my a gynis kepar ha kolomm. Ow dewlagas a fyll ow mires war-vann. A Arloedh, yma ankres dhymm, bydh goestel ragov.

Yeremia 46:5

Prag y's gwelis dyegrys ha treylys war-dhelergh? Aga breselyoryon yw gweskys, ha re fias yn fisten, heb mires war-dhelergh; yma euth a bub tu, yn-medh an Arloedh.

Yeremia 8:18

Nyns eus eli rag ow anken; ow holonn yw klav.

Kynvannow 1:13

A-wartha ev a dhannvonas tan; hag yth eth bys y'm eskern yn town; ev a lesas roes rag ow threys, ha'm treylya war-dhelergh; re'm gasas dyegrys, klamderys oll an jydh.

Kynvannow 1:22

Des oll aga drogober a-ragos; ha gwra dhedha kepar dell wrussys dhymmo vy drefenn oll ow threuspassow; rag pals yw ow hanasow hag yma ow holonn ow klamdera.

Kynvannow 2:11

Ow dewlagas a fyllis der oela dagrow; ow holodhyon yw troblys; ow bystel yw diverys war an dor drefenn terroes myrgh ow fobel, drefenn an fleghes ha'n re ow tena dhe glamdera yn plenys an sita.

Ezekiel 21:15

Rag may teuttho kolonnow ha'n re a goedh bos lies. Orth oll aga yetys my re worras kledha rag ladhva. Ogh, gwrys yw rag lughesi, rutys splann rag an ladhva.

Ezekiel 21:7

Ha pan leverons dhis, ‘Prag yth esos ow hanasa?’ ty a lever, ‘Rag an nowodhow yw devedhys. Pub kolonn a deudh, ha pub leuv a vydh ydhil; pub spyrys a glamder, ha pub glin a dreyl dhe dhowr. Otta, hemma a dheu hag a hwyrvydh’, yn-medh an Arloedh Duw.

Levitikus 26:36

Ha my a dhannvon desper yn kolonn an re ahanowgh yw gesys yn tiryow aga eskerens; ha son delenn ow krena a's chas, hag i a fi kepar ha pan vens ow fia a'n kledha, hag i a goedh pan na's siw denvyth.

Mika 6:13

Rakhenna re dhallethis dha weskel, orth dha wul ynyal drefenn dha beghosow.

Dewteronomi 28:65

Hag yn mysk an kenedhlow ma ny' fydh powes, ha ny vydh powesva dhe wodhen dha droes. Ena an Arloedh a re dhis kolonn a gren, ha dewlagas a fyll, hag enev ydhil.