Kynvannow 5:13 - An Bibel Kernewek 20234 (Kernewek Kemmyn)

¹³ Gwer yowynk yw konstrynys dhe'n melinyow, ha mebyon a drebuch yn-dann veghyow keunys.

Kynvannow 5:13 ပူးပေါင်းရင်းမြစ်များ

Job 31:10

ena re vallo ow gwreg rag den arall, ha re kosko gwer erell gensi.

Eksodus 1:11

Ha warnedha i a ordenas mestrysi hwel rag aga arwaska gans beghyow poes, hag i a dhrehevis sitys-gwithva rag Faro, Pithom ha Rameses;

Eksodus 11:5

ha pub kynsa-genys yn pow Ejyp a wra merwel, a'n kynsa-genys a Faro esedhys war y dron, hwath dhe gynsa-genys an vaghteth usi a-dryv an velin; ha kynsa-genys an gwarthek oll.

Eksodus 2:11

Ha dell hwarva, y'n dydhyow na, Moyses o tevys hag yth eth dh'y vreder ha mires war aga beghyow, ha gweles gour ejyptek ow kweskel gour ebrow, onan a'y vreder.

Eksodus 23:5

Mar kwelydh asen nebonan a'th kas ow krowedha yn-dann y vegh, na wredh y asa ganso; ty a wra y weres dh'y dhrehevel.

Ysay 47:2

Kemmer an meyn-melin ha mal bleus, dile dha vayl, destrypp lostenn dha bows, diskudh dha dhiwarr, tremen der an avonyow.

Ysay 58:6

A nyns yw hemma an benys a dhewisav: lewsel kadonyow sherewynsi, digelmi kroenow an yew, livra an re arweskys, ha terri pub yew?

Yeremia 7:18

An fleghes a guntell prenn, ha'n tasow a enow an tan, ha'n benynes a does an toes, dhe wul tesennow dhe vyghternes nev; hag i a dhinwa offrynnow diwes dhe dhuwow erell, ma'm provoksons dhe sorr.

Matthew 23:4

I a gelm beghyow poes ha kales dhe berthi ha'ga gorra war dhiwskoedh tus, mes i aga honan ny vynnons aga remova gans aga bys.

Breusysi 16:21

Yndella an Filistysi a'n sesyas hag a droghas yn-mes y dhewlagas. I a'n dros yn-nans dhe Gaza ha'y gelmi gans kargharow a vrons; hag ev a veu settys dhe velyas greun y'n prison.