Kynvannow 4:20 - An Bibel Kernewek 20234 (Kernewek Kemmyn)

²⁰ Untys an Arloedh, anall agan dewfrik, a veu kechys yn aga antylli, may leversyn anodho ‘Yn-dann y skeus y fewyn ni yn mysk an kenedhlow.’

Kynvannow 4:20 ပူးပေါင်းရင်းမြစ်များ

Jenesis 2:7

an Arloedh Duw a formyas mab-den mes a dhoust an dor ha hwytha yn y dhewfrik anall bewnans, ha den eth ha bos enev bew.

Jenesis 44:30

Ha lemmyn, pan dhyffiv dhe'th was ow thas, mar ny vydh an maw genen ni (ha'y enev kelmys war-barth gans enev an maw),

2 Samuel 1:14

Ha Davydh a leveris dhodho, ‘A ny berthsys own a ystynn dha dhorn dhe dhistrui untys an Arloedh?’

2 Samuel 1:21

A venydhyow Gilboa, na vedhes naneyl gluth na glaw warnowgh, na gwelyow a offrynnow! rag ena skoes an gasoryon a veu defolys, skoes Sowl – nyns yw untys gans oyl namoy.

2 Samuel 18:3

Mes an bobel a worthybis, ‘Ny wre'ta mones yn-rag. Rag mar fien ni, ny vynnsens settya aga holonn dhyn. Mar marwa hanter ahanan, ny vynnsens settya aga holonn dhyn; mes dha dalvosogeth yw avel deg mil ahanan; rakhenna y fydh gwell ty dh'agan skoedhya yn-mes a'n sita.’

2 Samuel 19:21

Mes Abishay mab Seruya a worthybis, ‘A ny vydh Shimei gorrys dhe'n mernans rakhemma, drefenn ev dhe vollethi untys an Arloedh?’

2 Kroniklys 35:25

Yeremia a gewsis kynvann war-lergh Yosia; hag oll an ganoryon ha'n kanoresow re gampoellas Yosia yn aga hynvannow bys y'n jydh ma. I a's gwrug ordenans yn Ysrael. Skrifys yns y'n Kynvannow.

Ysay 32:2

Pubonan a vydh avel kudhva rag an gwyns, ha skovva rag an annawel, avel goverow dowr yn tir sygh, avel an skeus a garrek bras yn tir skwith.

Yeremia 39:5

Mes lu an Kaldeanys a's pursiwyas, ha tremena dres Sedekia yn plenys Yeriko; ha pan y'n kemmersons, i a'n dros dhe Nebukadnessar myghtern Babylon, dhe Ribla, yn pow Hamath; hag ev a ros breus warnodho

Yeremia 52:8

Mes lu an Kaldeanys a bursiwyas an myghtern, ha tremena dres Sedekia yn plenys Yeriko; hag oll y lu a veu skattrys a-dhiworto.

Yeremia 52:9

Ena i a dhalghennas y'n myghtern ha'y dhri dhe vyghtern Babylon dhe Ribla yn pow Hamath, hag ev a ros breus warnodho.

Kynvannow 2:9

Hy yetys re sedhis y'n dor; ev re dhiswrug ha terri hy barrys; yma hy myghtern ha'y fennsevigyon yn mysk an kenedhlow; nyns usi an lagha namoy, nyns eus hwath dh'y frofoesi gwelesigeth dhiworth an Arloedh.

Ezekiel 12:13

Ha my a les ow roes warnodho, hag ev a vydh kechys y'm antell, ha my a'n dre dhe Babylon, tir an Kaldeanys, mes ny'n gwel, hag ena y ferow.

Ezekiel 17:18

Drefenn ev dhe dhispresya an ti, ow terri an kevambos, hag ow ri y leuv, ha gul oll an taklow ma, ny skap.

Ezekiel 31:17

An re esa trigys yn hy skeus, hy heffrysysi yn mysk an kenedhlow, i ynwedh dhiyskynnas dhe ifarn gensi, dhe'n re ledhys gans an kledha.

Daniel 4:12

Teg o hy del, ha leun o hi a frut, hag ynni yth esa boes rag peub-oll. Yn-danni y hwre bestes gwyls kavoes skeus, hag yth esa ydhyn an ebron trigys yn hy skorrow; dhiworti y fedha megys pub kig.

Hosea 13:10

Ple'ma dha vyghtern, ma'th sawyo? Ple'ma dha vreusysi yn oll agas sitys, ay leversys anedha, ‘Ro dhymm myghtern ha pennternedh’?

Breusysi 9:15

Ha'n spedhasenn a leveris dhe'n gwydh, “Mar mynnowgh yn hwir ow untya myghtern warnowgh, ytho dewgh hag omwithewgh yn ow skeus; poken des tan yn-mes a'n spedhasenn ha leskes kederwydh Lebanon.”

1 Samuel 12:3

Ottavy; degewgh dustuni er ow fynn a-dherag an Arloedh hag a-dherag y untys. Dhe biw yw an ojyon re gemmeris? Po dhe biw yw an asen re gemmeris? Po piw yw re beu frowsys genev? Piw yw re beu arweskys genev? Po piw y kemmeris falswober dhiworth y leuv dhe gudha ow dewlagas ganso? Degewgh dustuni er ow fynn ha my a'n daskorr dhywgh.’

1 Samuel 12:5

Yn-medh ev dhedha, ‘An Arloedh yw test er agas pynn, ha'y untys yw test y'n jydh ma, na drovsowgh travyth y'm leuv.’ Hag i a worthybis, ‘Ev yw test.’

1 Samuel 16:6

Pan dheuthons, ev a vires war Eliab, ha tybi, ‘Yn sur yma untys an Arloedh lemmyn a-dherag an Arloedh.’

1 Samuel 24:10

Y'n jydh hedhyw dha dhewlagas re welas fatell y'th ros an Arloedh a-berth y'm leuv a-ji dhe'n kav; ha leverys veu dhymm dhe'th ladha; mes my a'th sparyas. Yn-medhav “Ny vynnav ystynn ow leuv erbynn ow arloedh; rag ev yw untys an Arloedh.”

1 Samuel 24:6

Yn-medh ev dh'y wer, ‘An Arloedh difenn my dhe wul hemma dhe'm arloedh, untys an Arloedh, owth ystynn ow leuv er y bynn; rag ev yw untys an Arloedh.’

1 Samuel 26:16

An dra ma re wrussys, nyns yw da. Dell vew an Arloedh, hwi a dhervynn an mernans, drefenn na withsowgh war agas arloedh, untys an Arloedh. Mir lemmyn, ple'ma guw an myghtern; po an seth-dowr esa orth y benn?’

1 Samuel 26:9

Mes yn-medh Davydh dhe Abishay, ‘Na wra y dhistrui, rag piw a yll ystynn y leuv erbynn untys an Arloedh, ha bos heb kessydhyans?’