Kynvannow 3:36 - An Bibel Kernewek 20234 (Kernewek Kemmyn)

³⁶ pan vydh domhwelys neb den yn y gen, ny vydh da gans an Arloedh.

Kynvannow 3:36 ပူးပေါင်းရင်းမြစ်များ

Habakkuk 1:13

Re bur yw dha dhewlagas rag gweles droktra, ha ny yllydh perthi drogober. Prag y firydh ytho orth an falswesyon, ha synsi dha daves pan dhevor an tebelwas an den yw moy gwiryon agesso?

Ysay 59:15

Gwirder a fyll, ha neb a dreyl dhiworth drog yw kemmerys avel preydh. An Arloedh a welas hag a veu displesys drefenn na veu gwirvreus.

Yeremia 22:3

Yndellma y lever an Arloedh: Gwrewgh gwirvreus hag ewnder, ha delivrewgh a-dhiworth dorn an arwasker an den a veu dalghennys. Ha na wrewgh kammhynseth na freudh dhe'n alyon, an omdhivas, na'n wedhwes, po skoellya goes gwiryon y'n tyller ma.

2 Samuel 11:27

Wosa an kynvann dhe vos passyes, Davydh a dhannvonas ha'y hyrghes dh'y ji, ha hi eth ha bos y wreg, ha dineythi dhodho mab. Mes drog yn golok an Arloedh o an pyth re wrussa Davydh.

Dewteronomi 25:1

Mars eus dadhel yntra gwer, dens i dhe vreuslys hag i a re barn dhedha; ena i a akwit an den gwiryon ha dampnya an tebelwas.

Salmow 94:5

I a vrew dha bobel, A Arloedh, ha grevya dhe'th ertach.

Lavarow Koth 24:12

Mar leverydh, ‘Ny'n godhyen’, a ny'n gwel ev neb a boes an kolonnow? A ny'n goer ev neb a with dha enev? A ny attal dhe dhen herwydh y oberow?

Kynvannow 3:59

Ty re welas, A Arloedh, an drogvreus er ow fynn; gwra breusi ow hen.