Kynvannow 3:17 - An Bibel Kernewek 20234 (Kernewek Kemmyn)

¹⁷ Ty re bellhas ow enev dhiworth kres, ny berthis kov a sewena.

Kynvannow 3:17 ပူးပေါင်းရင်းမြစ်များ

Jenesis 41:30

Hag y fydh seyth blydhen a dhivoetter ow sevel wosa an re ma, hag oll an palster yn pow Ejyp a vydh ankevys, ha divoetter a dhiswra an wlas.

Job 7:7

‘Porth kov ow bewnans dhe vos anall; ny wra ow dewlagas gweles arta yn ta.

Salmow 119:155

Pell yw selwyans a'n debeles, rag ny hwilons dha ordenansow.

Ysay 38:17

Otta rag les y feu dhymm hwerowder; mes ty re withas ow enev dhiworth an pytt a dhistruans, rag ty re dewlis oll ow feghosow a-dryv dha geyn.

Ysay 54:10

Rag kyn fo an menydhyow removyes, ha'n breow kemmerys dhe-ves, ny vydh ow thregeredh removyes dhiworthis, na ny vydh ow hevambos a gres kemmerys dhe-ves, yn-medh an Arloedh, neb a gemmer truedh ahanas.

Ysay 59:11

Ni oll a romm avel orses, ha kyni avel kelemmi. Ni a worta gwirvreus mes nyns eus; ni a worta selwyans mes pell yw ahanan.

Yeremia 12:12

An dhistruoryon yw devedhys war oll an ugheldiryow moel y'n gwylvos: rag kledha an Arloedh a wra devorya dhiworth an eyl tu a'n tir bys yn y gila: kig vyth ny'n jevydh kres.

Yeremia 14:19

A wruss'ta denagha Yuda yn tien? A wrug dha enev kasa Sion? Prag y hwruss'ta agan gweskel ma na vydh yaghheans dhyn? Ni a hwilas kres mes nyns eus dader: rag termyn yeghes, hag otta browagh.

Yeremia 16:5

Rag yndellma y lever an Arloedh: Na enter yn chi an kynvann, na mos dhe alari na'ga hyni: rag my re gemmeras ow kres a-dhiworth an bobel ma, yn-medh an Arloedh, an tregeredh ha'n truedh.

Yeremia 8:15

Agan govenek a veu kres, mes nyns esa dader; termyn yeghes, hag otta browagh.

Kynvannow 1:16

Rag an re ma yth oelav dagrow; ow lagas a dhinwa dowr; rag pell ahanav yw neb a'm konfortyo, ow kul dhe'm enev dasvewa; ow mebyon yw forsakys, rag an eskar re dryghis.

Zekaria 8:10

Rag kyns an dydhyow na ny veu arveth rag den, ha ny veu arveth rag best. Ny veu kres rag an den ow mos yn-mes hag ow tos a-ji, drefenn an eskar, rag my a settyas pub den oll an eyl erbynn y gentrevek.