Kynvannow 2:20 - An Bibel Kernewek 20234 (Kernewek Kemmyn)

²⁰ Gwel, A Arloedh, ha mir. Piw a dhyghtsys yndella? A wra gwragedh dybri aga askorr, fleghes wynn heb namm? A ledhir oferyas ha profoes yn sentri an Arloedh?

Kynvannow 2:20 ပူးပေါင်းရင်းမြစ်များ

2 Kroniklys 36:17

Ev a dhros er aga fynn myghtern an Kaldeanys, hag ev a ladhas aga gwer yowynk gans an kledha yn chi aga sentri; ny'n jevo truedh naneyl war our yowynk na moren, na war henavek na krebogh; ev a's ros pub den oll yn y leuv.

Salmow 78:64

Aga oferysi a veu ledhys gans an kledha, ha ny gynis aga gwedhwesow.

Eksodus 32:11

Mes Moyses a bysis an Arloedh y Dhuw, ha leverel, ‘A Arloedh, prag y lesk toemm dha sorr erbynn dha bobel, a's dresys yn-mes a bow Ejyp gans galloes meur ha dorn grev?

Ysay 22:2

ty neb yw leun a drosow, sita a dervans, tre lowen? Dha re ledhys ny vons ledhys gans an kledha, na ny vons ledhys yn batel.

Yeremia 19:9

Ha my a wra dhedha dybri kig aga mebyon ha kig aga myrghes, hag i a dheber pub huni kig y gentrevek y'n esedhva, hag y'n ahwer may hwra aga eskerens ha'n re a hwila aga bewnans aga grevya.

Yeremia 21:7

Hag a-wosa, y lever an Arloedh, my a re Sedekia myghtern Yuda, ha'y servysi, ha'n bobel, ha'n re yw hwath yn few y'n sita ma wosa an pla, an kledha ha'n divoetter, bys yn dorn Nebukadnessar myghtern Babylon, hag yn dorn aga eskerens, hag yn dorn an re a hwila aga bewnans. Ev a's gwysk gans min an kledha; ny wra eva aga sparya, na kemmeres truedh, na mersi.

Yeremia 5:31

An brofoesi a brofoes yn fals, an oferysi a wovern herwydh aga awtorita aga honan; ha'm pobel a gar y vos yndella: mes pandr'a wrewgh pan dheu an diwedh?

Kynvannow 1:19

My a grias war ow haroryon mes i a'm toellas; ow oferysi ha'm henavogyon re verwis y'n sita, hag i ow hwilas boes rag gul dh'aga enev dasvewa.

Kynvannow 4:10

Diwla benynes truedhek re vrojyas aga fleghes aga honan, gyllys yns i yn boes dhedha yn terroes myrgh ow fobel.

Kynvannow 4:13

Y feu rag pegh hy frofoesi, drefenn kammwriansow hy oferysi hag a skoell goes an dus wiryon a-berth ynni.

Kynvannow 4:16

Fas an Arloedh re wrug aga skattra, ny vir orta namoy, ny enorsons fasow oferysi, ny faversons henavogyon.

Ezekiel 5:10

Rakhenna tasow a dheber mebyon a-berth ynnos, ha mebyon a dheber aga thasow; ha my a wra breusow ynnos, ha skattra oll an remenant ahanas dhe oll an gwynsow.

Ezekiel 9:7

Ena yn-medh ev dhedha, ‘Defolewgh an chi ha lenwewgh an klosyow a'n re ledhys. Kewgh!’ Ytho i eth dhe-ves ha gweskel y'n sita.

Levitikus 26:29

Ha hwi a dheber kig agas mebyon, ha kig agas myrghes a dhebrowgh.

Dewteronomi 9:26

Ena my a bysis war an Arloedh ha leverel, ‘Arloedh Duw, na gowldhistru dha bobel ha'th eretons a dhasprensys y'th veuredh, neb a dhresys yn-mes a Ejyp dre leuv grev.