Kynvannow 2:19 - An Bibel Kernewek 20234 (Kernewek Kemmyn)

¹⁹ Yn-sol, kri nosweyth, yn dalleth an goelyow! Skoell dha golonn kepar ha dowr a-dherag fas an Arloedh! Drehav dha dhiwla dhodho a-barth enev dha fleghes, a glamder gans nown orth penn pub stret.

Kynvannow 2:19 ပူးပေါင်းရင်းမြစ်များ

Job 3:24

Rag ow hanasow a dheu yn le ow bara, ha diverys yw ow hynvannow kepar ha dowr.

Salmow 119:55

My re borthas kov a'th hanow yn nos, A Arloedh, ha my re synsis dha lagha.

Salmow 134:2

Drehevewgh agas diwleuv y'n sentri, ha bennigewgh an Arloedh.

Salmow 141:2

Re bo ow fysadow a-dheragos avel ynkys, ha'm diwleuv drehevys avel offrynn gwesper.

Salmow 142:2

My a dhyllo ow krodhvol a-dheragdho, my a dhiskwa a-dheragdho ow anken.

Salmow 142:3

Pan glamderas ow spyrys a-bervedh ynnov ty a aswonnis ow hyns. Y'n fordh may kerdhyn i re gudhas maglenn er ow fynn.

Salmow 28:2

Klew lev ow govynnadow, pan griav dhis rag gweres, pan dhrehavav ow diwleuv troha'th tempel sans.

Salmow 42:3

Ow dagrow re beu ow bara dydh ha nos, hag i ow leverel dhymm oll an jydh, ‘Ple'ma dha Dhuw?’

Salmow 42:4

My a berth kov a hemma, ow skoellya ow enev a-bervedh ynnov; fatell gerdhyn vy gans an routh orth aga hembronk dhe ji Duw; gans lev a lowena ha grasyans, yn mysk routh ow synsi goel.

Salmow 42:8

Mes an Arloedh a worhemmynn y dregeredh dydhweyth, ha nosweyth y gan a vydh genev, pysadow dhe Dhuw ow bewnans.

Salmow 62:8

Trestyewgh ynno ev pup-prys, A bobel; dinewewgh agas kolonn a-dheragdho, rag Duw yw agan skovva. Sela.

Salmow 63:4

Ytho my a'th vennik hedre vewiv; my a dhrehav ow diwleuv dhe'th hanow.

Ysay 26:9

Ow enev a yeun war dha lergh y'n nos; ow spyrys ynnov a'th hwila. Rag pan vydh dha vreusow y'n wlas, annedhysi an bys a dhysk ewnder.

Ysay 51:20

Dha vebyon re glamderas, i re wrowedhas orth penn pub stret avel gavrewik yn roes; leun yns a gonnar an Arloedh, keredh dha Dhuw.

Yeremia 14:18

Mars av yn-rag dhe'n mes, otta an re ledhys gans an kledha! Ha mars av a-ji dhe'n sita, otta an re yw klav gans divoetter. Rag an profoes ha'n oferyas re wandras dhe dir na wodhons.

Yeremia 9:20

Ytho klewewgh ger an Arloedh, hwi venynes, ha gwres agas skovarn degemmeres an ger a'y anow, ha dyskewgh kynvann dh'agas myrghes, ha peub dh'y hentrevek galargan:

Ezekiel 5:10

Rakhenna tasow a dheber mebyon a-berth ynnos, ha mebyon a dheber aga thasow; ha my a wra breusow ynnos, ha skattra oll an remenant ahanas dhe oll an gwynsow.

Ezekiel 5:16

Pan dhannvonav an tebel sethow a dhivoetter er agas pynn rag distruyans, my a's tannvon dh'agas distrui. My a ynkress divoetter warnowgh ha terri agas lorgh bara.

Mika 1:16

Omvoelha, ha trogh dha wols rag an vebyon a'th telit; omwra maga foel avel er, rag i res eth a-dhiworthis bys yn divroedh.

Nahum 3:10

Byttegyns hi ynwedh eth yn divroedh, hi eth yn kethneth: ynwedh hy fleghes a veu terrys dhe demmyn dhe benn an stretys oll: i a dewlis prenn rag hy thus wordhi, ha'y thus vras oll a veu kelmys yn kargharow.

Matthew 14:25

Hag yn peswora goel an nos ev a dheuth dhedha ow kerdhes war an mor.

Mark 1:35

Ha myttin a-varr, hag ev ow sevel fest pell kyns hy bos dydh, ev eth yn-mes hag omdenna bys yn tyller difeyth, hag ena yth esa ow pysi.

Mark 13:35

Goelyewgh ytho; rag ny wodhowgh p'eur to mester an chi, po y'n gorthugher, po hanter-nos, po kulyek-kenys, po myttin,

Luk 6:12

Hag y'n dydhyow na, ev eth yn-kerdh dhe'n menydh dhe bysi, hag ev a spenas an nos yn pysadow dhe Dhuw.

1 Timothi 2:8

Ytho, my a vynn may hwrello pysi an wer yn pub le, ow trehevel diwla sans heb sorr na disputyans.

Breusysi 7:19

Ytho Gideon ha'n kans gour esa ganso a dheuth dhe gyrghynn an kamp yn dalleth an goel kres, wosa i dhe settya an goel; hag i a hwythas an hirgern ha brewi an sethow esa yn aga diwla.

1 Samuel 1:15

Mes Hanna a worthybis ha leverel, ‘Nansi, ow arloedh, benyn gans spyrys ahwerek ov; ny evis vy na gwin na korev, mes my re beu ow tiveri ow enev yn-mes a-dherag an Arloedh.

1 Samuel 7:6

Hag i a omguntellas war-barth yn Mispa, ha tenna dowr ha'y dhinewi yn-mes a-dherag an Arloedh. I a benysas y'n jydh na, ha leverel, ‘Ni re beghas erbynn an Arloedh.’ Ha Samuel a vreusi mebyon Ysrael yn Mispa.