Kynvannow 1:3 - An Bibel Kernewek 20234 (Kernewek Kemmyn)

³ Yuda res eth yn divroedh wosa galar ha wosa gwasonieth kales; hi a drig yn mysk an kenedhlow; mes ny gyv powesva; hy helghysi oll re settyas dalghenn ynni yn kres hy foenvos.

Kynvannow 1:3 ပူးပေါင်းရင်းမြစ်များ

2 Myghternedh 25:11

Nebuzaradan, kapten an withysi, a dhug yn divroedh remenant an bobel o gesys y'n sita, ha'n gilfowesigyon re gilfisa dhe vyghtern Babylon, oll remenant an routh.

2 Myghternedh 25:21

Myghtern Babylon a's gweskis, ha'ga gorra dhe'n mernans yn Ribla yn pow Hamath. Ytho Yuda eth yn divroedh yn-mes a'y dir.

2 Myghternedh 25:4

Ena aswa a veu gwrys yn fos an sita. Oll an soudoryon eth yn-mes y'n nos der an yet yntra diw fos, ogas dhe lowarth an myghtern, ha'n Kaldeanys ow kyrghynna an sita. I eth war an fordh troha'n Araba.

2 Myghternedh 25:5

Mes lu an Kaldeanys a helghyas an myghtern, ha'y dremena yn plenys Yeriko; oll y lu a veu keskerys dhiworto.

Yeremia 13:19

Sitys an Negeb a vydh deges, heb denvyth dh'aga igeri: Yuda a vydh degys dhe-ves yn divroedh, degys vydh yn tien yn divroedh.

Yeremia 16:16

Otta, my a dhannvon war-lergh lies pyskador, yn-medh an Arloedh, hag i a wra aga hachya; hag a-wosa my a dhannvon lies helghor, hag i a's helgh a-dhiworth pub menydh ha pub bre, hag yn-mes a folsyow an kerrek.

Yeremia 24:9

My a wra dhedha bos euth, pyth drog, yn oll gwlaskordhow an nor, dhe vos keredh ha droglavar, tont ha molleth yn oll an tylleryow ma's fesyav.

Yeremia 39:9

Ena Nebuzaradan kapten an withysi a dhug yn divroedh dhe Babylon remenant an bobel o gesys y'n sita, ha'n re a gilfias dhodho, ha remenant an bobel re beu gesys.

Yeremia 52:15

Ena Nebuzaradan kapten an withysi a dhug yn divroedh re a'n dus voghosek ha remenant an bobel re beu gesys y'n sita, ha'n gilfowesigyon re gilfisa dhe vyghtern Babylon, war-barth gans remenant an greftoryon.

Yeremia 52:8

Mes lu an Kaldeanys a bursiwyas an myghtern, ha tremena dres Sedekia yn plenys Yeriko; hag oll y lu a veu skattrys a-dhiworto.

Kynvannow 2:9

Hy yetys re sedhis y'n dor; ev re dhiswrug ha terri hy barrys; yma hy myghtern ha'y fennsevigyon yn mysk an kenedhlow; nyns usi an lagha namoy, nyns eus hwath dh'y frofoesi gwelesigeth dhiworth an Arloedh.

Kynvannow 4:15

‘Dhe-ves! Avlan!’ a veu kriys warnedha. ‘Dhe-ves! Dhe-ves! Na dochyewgh!’ Ytho i a fias dhe'n fo ha gwandra. Y leverys y'n kenedhlow, ‘Na wrens i triga omma namoy.’

Kynvannow 5:5

An yew war agan konna yw poes warnan; ni a lavur, nyns eus dhyn powes vyth.

Ezekiel 5:12

Tressa rann ahanowgh a verow dre bla po mos dhe goll dre dhivoetter a-berth ynnos; tressa rann a goedh der an kledha a-dro dhis; ha tressa rann a skattrav dhe oll an gwynsow ha tenna an kledha war aga lergh.

Dewteronomi 28:48

ty a serv dha eskerens a wra an Arloedh dha Dhuw dannvon er dha bynn, yn nown, hag yn syghes, hag yn noethedh, hag yn esow a bup-tra oll; hag ev a worr yew a horn war dha gonna, bys may hwrello dha dhistrui.