Kynvannow 1:19 - An Bibel Kernewek 20234 (Kernewek Kemmyn)

¹⁹ My a grias war ow haroryon mes i a'm toellas; ow oferysi ha'm henavogyon re verwis y'n sita, hag i ow hwilas boes rag gul dh'aga enev dasvewa.

Kynvannow 1:19 ပူးပေါင်းရင်းမြစ်များ

Yeremia 2:28

Mes ple'ma dha dhuwow a wrussys dhe'th honan? Gas dhedha sevel, mar kyllons dha selwel yn termyn dha ahwer: rag war-lergh niver dha sitys yw dha dhuwow, A Yuda.

Yeremia 30:14

Oll dha garoryon re'th ankovas; ny'th hwilons rag my re'th holyas gans goli eskar, gans keredh a dhen fell, drefenn bos meur dha anewnder, drefenn dha beghosow dhe ynkressya.

Yeremia 4:30

Ha ty, gwastys, pandr'a wredh, owth omwiska yn kogh, owth omdakla gans tegennow owrek, ow liwa dha dhewlagas gans antimoni, yn euver yth omwredh teg; dha garoryon a'th tispres, i a hwila dha vewnans.

Kynvannow 1:1

1 Ass yw an sita owth esedha digoweth hag o leun a dus! Ass yw hi gyllys kepar ha gwedhwes, hag o meur y'n kenedhlow! Neb o pennseviges y'n powyow re beu gorrys yn keth dhe hwel krev.

Kynvannow 1:11

Hy fobel oll a gyn hag i ow hwilas bara; i a werth aga thresoryow rag boes may hwrellons dh'aga horf dasvewa. ‘Gwel, A Arloedh, ha mir, rag dispresys ov vy.’

Kynvannow 1:2

Oela a wra hi truan nosweyth, ha'y dagrow war hy diwvogh; Nyns eus dhedhi konforter vyth a'y haroryon oll; Pubonan a'y howetha re's toellas, i re dheuth ha bos hy eskerens.

Kynvannow 2:20

Gwel, A Arloedh, ha mir. Piw a dhyghtsys yndella? A wra gwragedh dybri aga askorr, fleghes wynn heb namm? A ledhir oferyas ha profoes yn sentri an Arloedh?

Kynvannow 4:17

Hwath agan dewlagas a fyllis, ow kortos difres yn euver; yn agan goelva ni a woelyas rag kenedhel na allas sawya.

Kynvannow 5:12

Pennsevigyon yw kregys der aga diwla; nyns yw fasow henavogyon enorys.