Kynvannow 1:18 - An Bibel Kernewek 20234 (Kernewek Kemmyn)

¹⁸ Gwiryon yw an Arloedh, drefenn ow bos diwostydh erbynn y anow; klewewgh, my a'gas pys, hwi boblow oll, ha mirewgh orth ow galar; ow gwyrghesow ha'm gwer yowynk res eth yn kethneth.

Kynvannow 1:18 ပူးပေါင်းရင်းမြစ်များ

1 Myghternedh 13:21

Ev a grias erbynn wour Duw a dheuth a Yuda, ‘Yndellma y lever an Arloedh: drefenn ty dhe rebellya erbynn ger an Arloedh, ha ny withsys an gorhemmynn a worhemmynnis an Arloedh dha Dhuw dhis,

Ezra 9:13

Pup-tra eus devedhys warnan yw drefenn agan tebelwriansow, ha'gan treuspass meur, kyn hwrussys ty agan Duw agan kessydhya le es dell dhendilas agan kammweythresow, ha re ros dhyn remenant an par ma.

Nehemia 9:26

‘Byttegyns diwostydh ens, hag i a rebellyas er dha bynn ha tewlel dha lagha a-dryv aga heyn ha ladha dha brofoesi, a wrussons aga gwarnya, dh'aga threylya dhis arta; hag i a wrug blasfemiow bras.

Nehemia 9:33

Hwath ty re beu gwiryon yn pup-tra re dheuth warnan, rag ty dhe dhyghtya yn lel genen ha ni re beghas.

Salmow 107:11

drefenn i dhe omsettya erbynn lavarow Duw, ha dispresya kusul an Ughella;

Salmow 119:137

Gwiryon osta, A Arloedh, hag ewnhynsek yw dha vreusow.

Salmow 119:75

My a woer, A Arloedh, dha vreusow dhe vos gwiryon, hag yn lenduri ty dhe'm trobla.

Salmow 145:17

An Arloedh yw gwiryon yn oll y fordhow, ha len yn oll y wriansow.

Eksodus 9:27

Ena Faro a dhannvonas, ha gelwel Moyses hag Aron ha leverel dhedha, ‘My re beghas an prys ma; an Arloedh yw ewn, ha my ha'm pobel yw kamm.

Yeremia 12:1

Gwiryon osta, A Arloedh, pan bledyav genes: mes gas vy dhe gewsel genes a'th varnow: Prag y hwra fordh an debeles seweni? Prag yth yns attes oll an re yw traytus?

Yeremia 32:23

hag i a dheuth a-ji ha'y erita. Mes ny woslowsons orth dha lev na kerdhes y'th lagha; ny wrussons travyth a'n pyth oll a worhemmynnsys dhedha. Ytho ty a wrug oll an anfeusi dhe dhos warnedha.

Yeremia 4:17

Avel gwithysi park, ymons i a-dro dhedhi; drefenn i dhe vos diwostydh er ow fynn, yn-medh an Arloedh.

Yeremia 49:12

Rag yndellma y lever an Arloedh: Otta, seul na veu breusys dhe eva an hanaf a dal hwath y eva, ytho a vydhydh ty heb kessydhyans vyth? Ny vydhydh heb kessydhyans; res yw dhis y eva.

Kynvannow 1:12

A ny vern travyth, oll hwi a dremen? Mirewgh, ha gweles mars eus ahwer kepar ha'm ahwer vy, a veu gorrys warnav, ma'm grevyas an Arloedh ganso yn dydh y sorr fers.

Kynvannow 3:42

Ni re gammdremenas ha rebellya; mes ty, ny wrussys gava.

Kynvannow 5:16

Koedhys yw an gurun dhiworth agan penn; go-ni, rag ni re beghas!

Daniel 9:5

ni re beghas ha gul drog, ha gul kammweythres, ha rebellya, ow treylya dhiworth dha worhemmynnow ha'th vreusow.

Daniel 9:7

‘Dhiso jy, A Arloedh, yma ewnder, mes dhyn ni yma meth a'n fas, dell eus y'n jydh hedhyw, dhe dus Yuda, dhe annedhysi Yerusalem, ha dhe Ysrael oll, an re ogas ha'n re bell, yn keniver pow may mons fesys genes, drefenn an trayson re wrussons er dha bynn.

Amos 8:13

Y'n jydh na gwyrghesow teg ha gwer yowynk a glamder gans syghes.

Sefania 3:5

An Arloedh yw gwiryon a-berth ynni; ny wra ev sherewneth: myttin wosa myttin ev a re y vreus, pub bora ny fyll ev; mes ny woer an drogoberer meth.

Zekaria 1:6

Yn hwir, ow geryow ha'm ordenansow, a erghis dhe'm gwesyon an brofoesi, a ny dhrehedhsons dh'agas tasow? Ena i a gavas edrek ha leverel, ‘Par dell vynnas Arloedh an luyow gul dhyn rag agan fordhow ha'gan oberow, yndella y hwrug ev dhyn.’

Romanyon 2:5

Mes dre dha golonn gales hag anedrek yth esos ow kreuni konnar ragos dha honan y'n jydh a gonnar may fo diskwedhys ynno breus gwiryon Duw.

Romanyon 3:19

Lemmyn ni a woer, pypynag a lavarro an lagha kewsys yw dhe'n re usi yn-dann an lagha, rag may fo pub ganow deges, ha rag may fo an bys oll yn-dann vreus Duw.

Dewteronomi 32:4

An Garrek – perfydh yw y ober, rag oll y fordhow yw ewn; Duw a lenduri, heb kammhynseth, gwiryon ha kompes yw ev.

Breusysi 1:7

Yn-medh Adoni-bezek, ‘Deg myghtern ha tri-ugens, aga meusi ha bysies-troes bras treghys dhe-ves, a guntella brewyon yn-dann ow moes; kepar dell wrugavy, yndella Duw re attylis dhymm.’ Hag i a'n dros dhe Yerusalem, hag ev a verwis ena.

1 Samuel 15:23

Rag rebellyans yw avel pegh dewinieth, ha gorthter yw kepar ha kammweyth ha gordhyans idolys. Drefenn ty dhe skonya ger an Arloedh, ev ynwedh re'th skonyas a vones myghtern.’