Kynvannow 1:17 - An Bibel Kernewek 20234 (Kernewek Kemmyn)

¹⁷ Sion a ystynn hy diwleuv; nyns eus dhedhi konforter vyth; an Arloedh re erghis erbynn Yakob may fo y gentrevogyon y eskerens; Yerusalem res eth ha bos tra avlan yn aga mysk.

Kynvannow 1:17 ပူးပေါင်းရင်းမြစ်များ

1 Myghternedh 8:22

Ena Solomon a sevis a-rag alter an Arloedh yn lok oll kuntelles Ysrael, hag ystynn y dhiwleuv dhe nev.

1 Myghternedh 8:38

ha pan vo pysadow pynag po pledyans pynag gwrys gans den po gans oll dha bobel Ysrael, owth aswonn galarow aga holonn aga honan mayth ystynnons aga diwleuv war-tu ha'n chi ma:

2 Myghternedh 25:1

1 Rakhenna yn nawves blydhen y reyn, y'n degves mis, yn degves dydh an mis, Nebukadnessar, myghtern Babylon a dheuth, ev hag oll y lu, erbynn Yerusalem, hag omsettya orti; hag i a dhrehevis gweyth esedhva er hy fynn war bub tu.

Ekklesiastes 4:1

Ytho my a dreylyas arta dhe weles oll an arwask yw gwrys yn-dann an howl. Hag otta, dagrow an dus arweskys: ny's teves konforter; denvyth ny's delirv dhiworth nerth aga arwaskoryon; ny's teves konforter.

Ysay 1:15

Pan ystynnowgh agas diwleuv, my a gudh ow dewlagas ragowgh; ynwedh pan wrewgh meur a bysadow, ny woslowav vy. Agas diwleuv yw leun a woes.

Ysay 54:11

Ty druan, tewedhek, ha na veus konfortys, otta, my a sett dha veyn yn antimoni, ha'th fondya war selyow a saffir.

Yeremia 12:9

Ow ertach yw dhymm avel edhen-breydh vrith, yma an ydhyn-preydh erell a-dro er hy fynn; dewgh, kuntellewgh oll bestes an mes, dens i dhe dhevorya.

Yeremia 15:5

Rag piw a gemmer truedh ahanas A Yerusalem? po piw a'th kyn? po piw a geskodhev genes dhe wovynn a-dro dhe'th yeghes?

Yeremia 16:6

Ha'n re veur ha'n re vyghan a verow y'n tir ma: ny vydhons ynkleudhys na ny vydh kynvann ragdha, na ny wrons omhakkya na omvoelhe ragdha.

Yeremia 34:22

Otta, my a worhemmynn, yn-medh an Arloedh, ha gul dhedha dehweles dhe'n sita ma; hag i a omladh er hy fynn, ha'y leski gans tan. Trevow Yuda my a wra ynyal heb annedhyas.

Yeremia 4:31

Rag my re glewas lev avel benyn yn lavur, ha'n gloesow avelli hi neb a dhineyth hy hynsa flogh, lev myrgh Sion, ow tyena rag anall, ow lesa hy diwleuv, ‘Go-vy! Klamdera a wrav drefenn ladhoryon.’

Yeremia 6:3

Bugeledh gans aga flokkys a dheu dhedhi; i a dhrehav aga thyldow a-dro dhedhi; i a beur pubonan yn y dyller.

Yeremia 8:18

Nyns eus eli rag ow anken; ow holonn yw klav.

Kynvannow 1:16

Rag an re ma yth oelav dagrow; ow lagas a dhinwa dowr; rag pell ahanav yw neb a'm konfortyo, ow kul dhe'm enev dasvewa; ow mebyon yw forsakys, rag an eskar re dryghis.

Kynvannow 1:19

My a grias war ow haroryon mes i a'm toellas; ow oferysi ha'm henavogyon re verwis y'n sita, hag i ow hwilas boes rag gul dh'aga enev dasvewa.

Kynvannow 1:2

Oela a wra hi truan nosweyth, ha'y dagrow war hy diwvogh; Nyns eus dhedhi konforter vyth a'y haroryon oll; Pubonan a'y howetha re's toellas, i re dheuth ha bos hy eskerens.

Kynvannow 1:21

I re glewas fatell wrug vy kyni; nyns eus dhymm konforter vyth. Oll ow eskerens a glewas a'm anken; lowen yns i drefenn ty dhe wul henna. Doroy an jydh a dherivsys, ha bedhens i kepar dell ov vy.

Kynvannow 1:8

Yerusalem re beghas dres eghenn, ha rakhenna res eth ha bos avlan; pubonan neb a's gordhya a's dispres, rag i re welas hy noethedh; kyni ynwedh a wra hi, ha treylya dhe-ves.

Kynvannow 1:9

Yth esa hy avlander yn hy lostennow, ny ombrederi a'y thenkys; rakhenna marthys veu hy therroes, nyns esa dhedhi konforter vyth. ‘Gwel, A Arloedh, ow anken, rag an eskar re dryghis!’

Kynvannow 4:15

‘Dhe-ves! Avlan!’ a veu kriys warnedha. ‘Dhe-ves! Dhe-ves! Na dochyewgh!’ Ytho i a fias dhe'n fo ha gwandra. Y leverys y'n kenedhlow, ‘Na wrens i triga omma namoy.’

Ezekiel 36:17

Mab den, pan esa chi Ysrael trigys yn aga thir aga honan, i a'n defolas der aga fara ha'ga gwriansow; yth o aga fara kepar hag avlander amseryow a-ragov.

Hosea 8:8

Ysrael yw kollenkys; lemmyn yth yns i yn mysk an kenedhlow kepar ha lester diles.