Kynvannow 1:14 - An Bibel Kernewek 20234 (Kernewek Kemmyn)

¹⁴ Kelmys veu ow threuspassow warnav avel yew; gans y leuv y fons nedhys war-barth ha gorrys war ow honna, ow kul dhe'm nerth fyllel; an Arloedh re'm ros yn diwla tus ma na allav sevel.

Kynvannow 1:14 ပူးပေါင်းရင်းမြစ်များ

Lavarow Koth 5:22

An tebelwas yw maglennys gans y gammweythresow y honan, hag ev a vydh synsys fast yn kerdyn y begh.

Ysay 14:25

dhe derri Assyria y'm tir, ha'y drettya yn-dann dreys war ow menydhyow; Y yew a vydh kemmerys dhiwarnedha, ha'y vegh a vydh kemmerys a-dhiwar aga skoedh.

Ysay 47:6

My a sorras orth ow fobel, my a dhisakras ow ertach; my a's ros y'th tiwdhorn, ny dhiskwedhsys truedh dhedha; war an re goth y hwrussys dha yew fest poes.

Yeremia 25:9

otta, my a dhannvon ha kemmeres oll teyluyow an gogledh, yn-medh an Arloedh, ha Nebukadnessar myghtern Babylon, ow gwas, ha my a's dre erbynn an tir ma hag erbynn y annedhysi, hag erbynn oll an kenedhlow ma usi a-derdro, ha my a wra aga sakra dhe dhistruyans, ha gul dhedha bos euth, ha hwibana, ha magoryow bys vykken.

Yeremia 27:12

My a gewsis ynwedh orth Sedekia myghtern Yuda war-lergh oll an geryow ma, ow leverel, Drewgh agas konna yn-dann yew myghtern Babylon, ha'y servya ev ha'y bobel, ha bewa.

Yeremia 27:8

Mes mar ny vynn kenedhel po gwlaskor servya an keth Nebukadnessar ma, myghtern Babylon, ha gorra aga honna yn-dann yew myghtern Babylon, ena my a gessydh an genedhel na gans an kledha, gans divoetter, ha gans an pla, yn-medh an Arloedh, bys pan y's distruav der y leuv.

Yeremia 28:13

Ke ha kews dhe Hanania, ow leverel, Yndellma y lever an Arloedh: Ty re dorras yewow prenn; mes yn aga le ty a wra yewow horn.

Yeremia 28:14

Rag yndellma y lever Arloedh an luyow, Duw Ysrael: My re worras yew horn war warr oll an kenedhlow ma may serfyens Nebukadnessar myghtern Babylon, hag i a'n serv; ha my re ros dhodho an bestes gwyls ynwedh.

Yeremia 32:3

le ma'n keas Sedekia myghtern Yuda, ow leverel, ‘Prag y profoesydh ha leverel: Yndellma y lever an Arloedh: My a re an sita ma yn leuv myghtern Babylon, hag ev a's kemmer;

Yeremia 32:5

hag ev a hembronk Sedekia dhe Babylon, hag ena ev a vydh bys pan dhov dhodho, yn-medh an Arloedh; kynth omledhowgh erbynn an Kaldeanys, ny sewenowgh?’

Yeremia 37:17

Sedekia an myghtern a dhannvonas war y lergh, ha'y gemmeres yn-mes. Ha'n myghtern a wovynnas orto yn priva yn y ji, ha leverel, ‘Eus ger a-dhiworth an Arloedh?’ Ha Yeremia a leveris, ‘Eus!’ Ena yn-medh ev, ‘Ty a vydh delivrys yn leuv myghtern Babylon.’

Ezekiel 11:9

My a'gas dre yn-mes anedhi, ha'gas ri yn leuv estrenyon ha gul breusow warnowgh.

Ezekiel 21:31

My a dhinwa ow sorrvann warnas; gans tan ow honnar y hwithav warnas. My a'gas re yn leuv gwer vilus, skentel yn distruyans.

Ezekiel 23:28

Rag yndellma y lever an Arloedh Duw: Awottavy orth dha ri yn leuv an re a gesydh, yn leuv an re may treylyas dha enev divlasys dhiworta.

Ezekiel 25:4

rakhenna awottavy orth dha ri dhe vebyon an est rag perghennogeth. I a sett aga hampow ynnos ha drehevel aga thyldow ynnos; i a dheber dha froeth, hag i a yv dha leth.

Ezekiel 25:7

rakhenna awottavy owth ystynn ow leuv er dha bynn ha'th ri avel preydh dhe'n kenedhlow. My a'th tregh dhiworth an poblow ha'th tilea dhiworth an powyow; my a'th tistru; ha hwi a woer my dhe vos an Arloedh.

Hosea 5:14

My a vydh avel lew dhe Efraym, hag avel lew yowynk dhe ji Yuda. My, my a wra skwardya ha mones; my a wra kemmeres, ha nagonan ny dhelirv.

Mika 2:3

Rakhenna, yndellma y lever an Arloedh: Otta, erbynn an teylu ma yth esov vy ow tevisya drogedh, ma na yllowgh hwi kildenna agas konna anodho; ha ny gerdhowgh howtyn, rag y fydh termyn a dhroktra.

Dewteronomi 28:48

ty a serv dha eskerens a wra an Arloedh dha Dhuw dannvon er dha bynn, yn nown, hag yn syghes, hag yn noethedh, hag yn esow a bup-tra oll; hag ev a worr yew a horn war dha gonna, bys may hwrello dha dhistrui.