Kynvannow 1:13 - An Bibel Kernewek 20234 (Kernewek Kemmyn)

¹³ A-wartha ev a dhannvonas tan; hag yth eth bys y'm eskern yn town; ev a lesas roes rag ow threys, ha'm treylya war-dhelergh; re'm gasas dyegrys, klamderys oll an jydh.

Kynvannow 1:13 ပူးပေါင်းရင်းမြစ်များ

Job 18:8

Rag ev yw tewlys yn roes der y dreys y honan; ev a gerdh bys yn maglenn.

Job 19:6

godhvydhewgh lemmyn Duw dhe'm domhwel, ha'm kyrghynna gans y roes.

Job 30:30

Ow kroghen a dhuha warnav, ha'm eskern a lesk gans fevyr.

Salmow 129:5

Perthes meth ha bedhes treylys war-dhelergh seul a gas Sion.

Salmow 140:5

An re woethus re gudhas maglenn er ow fynn, ha gans kerdyn ystynn roes, i re worras antylli ragov ryb an fordh. Sela.

Salmow 22:14

Skoellys ov vy avel dowr, ha'm eskern oll yw diskevelsys, ow holonn yw kepar ha koer; teudhys yw yn mysk ow holodhyon.

Salmow 31:10

Rag ow bewnans yw difygys gans keudh, ha'm blydhynyow gans kynvann; ow nerth a fyll drefenn ow drogober, ha'm eskern a wedher.

Salmow 35:4

Perthes meth, ha bedhes konfondys neb a hwila ow enev; bedhes treylys war-dhelergh ha shyndys, neb a dhevis ow fystik.

Salmow 38:8

Difredh ov vy ha brewys dres eghenn; my re hanasas drefenn ankres ow holonn.

Salmow 66:11

Ty a asas dhyn koedha y'n roes; ty a worras ahwer war agan diwglun.

Eksodus 12:9

Na dhybrewgh rann anodho kriv po bryjys yn dowr, mes rostys, y benn ha'y arrow ha'y bottys.

Ysay 42:17

An re a drest yn imajys gravys a vydh treylys war-dhelergh hag a berth meth – an re a lever dhe imajys teudh, ‘Hwi yw agan duwow.’

Yeremia 44:6

Ytho ow sorr hag ow honnar a veu dinewys hag enowys yn trevow Yuda ha stretow Yerusalem; hag i yw gwastys hag ynyal kepar hag y'n jydh hedhyw.

Kynvannow 1:22

Des oll aga drogober a-ragos; ha gwra dhedha kepar dell wrussys dhymmo vy drefenn oll ow threuspassow; rag pals yw ow hanasow hag yma ow holonn ow klamdera.

Kynvannow 3:11

Ev re dreylyas ow fordhow a-denewen hag ow skethenna; hag ow gasa forsakys.

Kynvannow 5:17

Rakhenna devedhys ha bos klav yw agan kolonn, rakhenna tewlhes yw agan dewlagas,

Ezekiel 12:13

Ha my a les ow roes warnodho, hag ev a vydh kechys y'm antell, ha my a'n dre dhe Babylon, tir an Kaldeanys, mes ny'n gwel, hag ena y ferow.

Ezekiel 17:20

My a les ow roes warnodho, hag ev a vydh kechys y'm antell, ha my a'n dre dhe Babylon ha'y vreusi ena, drefenn ev dhe vos dislel dhymm.

Ezekiel 32:3

Yndellma y lever an Arloedh Duw: My a les warnas ow roes yn kuntelles a lies pobel, hag i a'th tre yn-bann y'm roes-draylya.

Hosea 7:12

Hag i ow mos, my a dewl ow roes warnedha; avel ydhyn an nevow my a's dre yn-nans. My a's keredh pan y's klewav ow hesya.

Nahum 1:6

Piw a yll sevel a-dherag y sorr? Piw a yll perthi y sorr fers? Y sorr yw dinewys yn-mes avel tan, ha terrys dhe demmyn a-ragdho yw an karregi.

Habakkuk 3:16

My a woslowas ha'm torr a grenas; orth an son ow diwweus a dremblas, podredhes a dheu y'm eskern ha'm diwarr a dhegren yn-dannov. Yn kosel my a worta dydh an ahwer dhe dhos war bobel a omsett er agan pynn.

Dewteronomi 28:65

Hag yn mysk an kenedhlow ma ny' fydh powes, ha ny vydh powesva dhe wodhen dha droes. Ena an Arloedh a re dhis kolonn a gren, ha dewlagas a fyll, hag enev ydhil.

2 Thessalonianys 1:8

yn tan ow flammya, ow kul dial war an re na aswonn Duw ha'n re nag yw gostydh dhe aweyl agan Arloedh Yesu.

Ebrowyon 12:29

rag agan Duw yw tan a gowllesk.