Kolossianys 1:10 - An Bibel Kernewek 20234 (Kernewek Kemmyn)

¹⁰ dhe gerdhes gwiw dhe'n Arloedh, ow plegya yn tien, ow toen frut yn pub ober da hag ow tevi yn aswonnvos Duw,

Kolossianys 1:10 ပူးပေါင်းရင်းမြစ်များ

Lavarow Koth 16:7

Pan vo fordhow gour plegadow gans an Arloedh, ev a wra may fo ynwedh y eskerens yn kres ganso.

Ysay 53:11

Wosa godhevyans y enev, ev a wel golow, ha kontentys vydh; der y wodhvos ow gwas gwiryon a ewnha lies, hag ev a dheg aga hammweythresow.

Daniel 12:4

Mes ty, A Daniel, kudh an geryow, ha sel an lyver bys prys an diwedh. Lies a boen a-derdro, dhe ynkressya godhvos.’

Mika 4:5

Rag an poblow oll a gerdh, pubonan yn hanow y dhuw; mes ni a gerdh yn hanow an Arloedh agan Duw ni, bys vykken ha bynnari.

Habakkuk 2:14

Rag lenwys vydh an nor gans godhvos golewder an Arloedh, dell worher an dowrow an mor.

Yowann 15:16

Ny wrussowgh hwi ow dewis vy, mes my re'gas dewisas hwi, ha'gas apoyntya mayth yllowgh ha doen frut, ha may hwrello agas frut durya; may rollo ow Thas dhywgh pypynag a wovynnowgh dhiworto y'm hanow vy.

Yowann 15:8

Yn hemma glorifiys yw ow Thas, hwi dhe dhoen meur a frut ha dhe vos dyskyblon dhymm.

Yowann 17:3

Ha hemm yw bewnans heb diwedh: ma'th aswonnons ty, an unn gwir Dhuw, ha Yesu Krist neb re dhannvensys.

Romanyon 1:13

Ny vynnav, breder, hwi dhe vos heb godhvos bos ow bodh yn fenowgh dos dhywgh (mes bys y'n eur ma my re beu lettys), rag may kyffiv nebes trevas yntredhowgh keffrys hag ynter an kenedhlow erell.

Romanyon 4:12

Hag yndella ev yw tas an re trodreghys, an re nag yns unnsel trodreghys, mes ynwedh ymons ow kerdhes yn olow fydh agan tas ni Abraham kyns ev dhe vos trodreghys.

Romanyon 6:4

Ytho ynkleudhys ganso yth en dre vesydhya yn mernans, rag may hyllyn kerdhes ganso yn nowydhses a vewnans, par dell veu Krist drehevys a'n re varow dre wolewder an Tas.

2 Korinthianys 2:14

Mes dhe Dhuw re bo grasow, neb a'gan hembronk pup-prys yn trygh yn Krist, ow lesa dredhon yn pub le odour an godhvos anodho;

2 Korinthianys 4:6

Rag Duw, neb a leveris ‘Yn-mes a dewlder y hwra golow splanna’, re splannas yn agan kolonnow dhe ri golow godhvos golewder Duw yn fas Krist.

2 Korinthianys 5:9

Rakhenna, mars eson ni po yn tre po a-dre, mall yw genen ni bos plegadow dhodho.

2 Korinthianys 9:8

Ha Duw a yll gul dhe ras oll palshe dhywgh, ha rakhenna, prest ow kavoes pup-tra lowr, hwi a balsha yn pub ober da.

Efesianys 1:17

may rollo an Duw a'gan Arloedh Yesu Krist, an Tas a wolewder, spyrys furneth ha diskwedhyans y'n aswonnvos anodho,

Efesianys 2:10

Rag y wrians ev on ni, kreatys yn Krist Yesu dhe oberow da a ragbareusis Duw, may hyllyn ni kerdhes ynna.

Efesianys 4:1

My ytho, prisner y'n Arloedh, a'gas pys a gerdhes gwiw dhe'n galow may fewgh hwi gelwys,

Efesianys 4:13

erna dhyffyn ni oll dhe unnsys an fydh hag aswonnvos Mab Duw, yn gour perfydh, dhe'n musur a'n adhvetter a'n leunder a Grist,

Efesianys 5:10

ow previ an pyth yw plegadow gans an Arloedh.

Efesianys 5:15

Gwaytyewgh dour ytho fatell gerdhowgh, avel tus fur, a-der anfur,

Efesianys 5:2

ha kerdhewgh yn kerensa, kepar dell wrug Krist agas kara hag omri y honan ragon ni yn offrynn ha sakrifis dhe Dhuw, sawer plegadow.

Filippianys 1:11

lenwys a frut ewnder dre Yesu Krist dhe wordhyans ha gormola Duw.

Filippianys 1:27

Saw bedhes agas bewedh gwiw dhe'n aweyl a Grist, mar tov dh'agas gweles po gortos a-ves, may klewviv ahanowgh, hwi dhe sevel yn unn spyrys gans unn enev, ow strivya war-barth rag fydh an aweyl,

Filippianys 4:18

Pup-tra a'm beus hag y palshav; lenwys ov vy ow tegemmeres taklow dhiworthowgh der Epafroditus, sawer plegadow, sakrifis kemmeradow ha plegadow dhe Dhuw.

Kolossianys 2:19

heb synsi an penn, a neb an korf oll, skoedhys ha junys war-barth der an giow ha'n skennys, a dyv gans tevyans Duw.

Kolossianys 2:6

Rakhenna, dell dhegemmersowgh Krist Yesu an Arloedh, gwrewgh kerdhes ynno,

Kolossianys 3:20

A fleghes, obayewgh dh'agas kerens yn pup-tra, rag hemm yw plegadow dhe'n Arloedh,

Kolossianys 4:5

Yn furneth kerdhewgh troha'n re usi a-ves, ow kul devnydh a'n termyn.

1 Thessalonianys 2:12

orth agas ynnia ha'gas kennertha, ha'gas konjorya may hwrellewgh kerdhes gwiw dhe Dhuw usi orth agas gelwel dh'y wlaskor ha'y splannder.

1 Thessalonianys 4:1

Wor'tiwedh ytho, a vreder, ni a'gas pys ha keski y'n Arloedh Yesu, kepar dell dhegemmersowgh dhiworthyn ni fatell goedh dhywgh kerdhes ha plegya dhe Dhuw, kepar dell gerdhowgh dhe wir, may palshahowgh dhe voy.

2 Timothi 2:4

Souder ny wra omvagla gans negys bewnans kemmyn, may hallo plegya dhe neb re wrug y worra war rol y soudoryon.

Titus 3:1

Kovha i may fons gostydh dhe rewloryon ha galloesow, dhe obaya, dhe vos parys rag pub ober da,

Titus 3:14

Ha dyskens agan tus ynwedh omri dhe oberow da rag kollenwel edhommow a res, ma na vons i heb frut vyth.

Ebrowyon 11:5

Dre fydh Enok a veu ravshys na wella mernans: ha ‘ny veu kevys, rag Duw dh'y gemmeres.’ Rag kyns bos kemmerys, dustuniys veu ‘ev dhe vos plegadow dhe Dhuw.’

Ebrowyon 13:16

Na ankevewgh gul oberow mas na kevrenna an pyth eus genowgh; sakrifisow a'n par ma yw plegadow dhe Dhuw.

Ebrowyon 13:21

re'gas provio gans pub tra vas may hwryllowgh y vodh, ow kul ynnon an pyth yw plegadow yn y wolok dre Yesu Krist; dhe neb bedhes gordhyans bys vykken ha bynnari. Amen.

2 Peder 1:8

Mars usi an taklow ma ynnowgh hag ow palshe, i a'gas gwith rag bos euver na heb frut yn aswonnvos agan Arloedh Yesu Krist.

2 Peder 3:18

Mes tevewgh yn gras ha godhvos agan Arloedh ha Selwyas Yesu Krist. Dhodho ev re bo gordhyans hag y'n eur ma, ha bys y'n jydh heb worfenn. Amen.

1 Yowann 3:22

Ha ni a'gan beus ganso pypynag a bysyn, drefenn ni dhe witha y worhemmynnow ha ni dhe wul an pyth yw plegadow a-ragdho.

1 Yowann 5:20

Ha ni a woer re dheuth Mab Duw ha re ros dhyn konvedhes, dhe aswonn neb yw gwiryon; hag yth eson ynno ev yw gwiryon, yn y Vab Yesu Krist. Hemm yw an gwir Dhuw ha bewnans heb diwedh.

3 Yowann 1:6

an re re dhustunias dhe'th kerensa a-rag an eglos; ty a wra da orth aga dannvon yn-rag dell dhelledh dhe wonis Duw.