Job 9:4 - An Bibel Kernewek 20234 (Kernewek Kemmyn)

⁴ Fur yw ev y'n golonn, ha galloesek yn nerth. Piw re settyas y honan er y bynn ha seweni?

Job 9:4 ပူးပေါင်းရင်းမြစ်များ

2 Kroniklys 13:12

Yma Duw genen orth agan penn, ha'y oferysi a's teves aga hirgern rag seni an galow dhe'n vatel er agas pynn. A vebyon Ysrael, na vatelewgh orth an Arloedh, Duw agas tasow, rag ny yllowgh seweni.’

2 Kroniklys 20:6

hag a leveris, ‘A Arloedh, Duw agan tasow, a nyns osta Duw y'n nev? A ny rewlydh war oll gwlaskordhow an kenedhlow? Yma y'th leuv galloes ha nerth, bys ma na yll nebonan sevel orthis.

Job 11:6

ha diskwedhes dhis an kevrinyow a furneth! Rag liesplek yw y dhoethter! Godhvydh ytho Duw dhe jalenjya ahanas le ages dell dhervynn dha gammweyth.

Job 12:13

‘Yma furneth ha galloes gans Duw, yma dhodho kusul ha konvedhes.

Job 15:13

may treylydh dha spyrys erbynn Duw, ha gasa dhe'n geryow na mos yn-mes a'th hanow?

Job 23:6

A settsa er ow fynn gans y nerth bras? Nansi; ev a woslowsa orth an pyth a lavarav.

Job 24:22

Mes Duw a denn tus alloesek dhe-ves der y nerth; ev a sev, ha nyns yw denvyth sur a'y vewnans.

Job 25:2

‘Yma mestrynses hag agha dhe Dhuw; ev a wra kres yn y ughelderyow.

Job 28:23

‘Duw a gonvedh an hyns dhedhi, hag ev a woer hy thyller,

Job 36:5

‘Galloesek yw Duw ha nyns yw denvyth kasadow dhodho; ha meur yw yn nerth a gonvedhes.

Job 37:23

An Ollgalloesek – ny yllyn y gavoes; meur yw y nerth, ha'y vreus, hag yn y wirvreus ha'y ewnder bras ny arwask ev.

Job 38:36

Piw a worras furneth y'n kommol, po piw a ros konvedhes dhe'n niwl?

Job 38:37

Piw a'n jeves an furneth rag nivera an kommolennow, po piw a yll domhweles sethow dowr an nevow,

Job 40:9

Eus bregh dhis kepar ha bregh Duw, a yll dha lev tarenna kepar ha'y lev ev?

Job 41:2

A yllydh gorra lovan der y droen, po gwana y awen gans korsenn?

Job 6:10

Ow honfort via hemma, lemmel rag joy a wrussen yn payn dibita; rag ny neghis vy geryow an Sans.

Job 9:19

Mars yw mater a grevder, mir ha galloesek yw ev! Mars yw mater a wirvreus, piw a yll settya termyn rag ow goslowva?

Salmow 104:24

A Arloedh, ass yw lies dha wriansow! Yn furneth ty a's gwrug, i oll; an nor yw leun a'th kreaturs.

Salmow 136:5

neb a wrug an nevow gans konvedhes, rag y dregeredh a dhur bys vykken;

Eksodus 15:7

Yn braster dha veuredh ty a dewl dhe'n dor neb a sev er dha bynn; ty a dhannvon yn-rag dha sorr hag a's devor avel sowl.

Eksodus 9:7

Ha Faro a dhannvonas, hag otta, nyns o marow nagonan a warthek Ysrael. Mes kolonn Faro o kaleshes ha ny asas an bobel dhe vones.

Lavarow Koth 28:14

Gwynnvys an den neb a'n jeves own pup-prys, mes neb yw kales y golonn a goedh yn anfeus.

Lavarow Koth 29:1

Gour neb yw keredhys fest yn fenowgh, hag a bes kales y gilbenn, a vydh brewys distowgh, ha ny vydh eli.

Ysay 45:9

Go-ev neb a striv orth y Wrier, priweyth orth an priweythor! A lever an pri dh'y formyer, ‘Pandr'a wredh?’ po ‘Nyns eus skovornow dhe'th ober’?

Yeremia 50:24

My a settyas maglenn ragos ha ty a veu kechys, A Babylon, mes ny wodhyes; ty a veu kevys ha dalghennys drefenn ty dhe strivya erbynn an Arloedh.

Daniel 2:20

Daniel a worthybis ow leverel: ‘Benniges re bo hanow Duw trank heb worfenn, rag dhodho ev yma furneth ha galloes.

Nahum 1:3

An Arloedh yw lent ow serri, ha meur y nerth, ha'n Arloedh ny gas mann an debeles heb kessydhyans. Yma y fordh y'n korwyns hag y'n annawel, ha'n kommol yw doust y dreys.

Romanyon 11:33

O, downder rychys Duw ha'y furneth ha'y wodhvos! Ass yw y vreus dres konvedhes, ha dres hwithra y fordhow!

1 Korinthianys 10:22

A wren ni gul dhe'n Arloedh perthi avi? On ni kreffa agesso ev?

Efesianys 1:19

ha pyth yw an braster dres eghenn a'y alloes troha ni neb a grys war-lergh oberyans krevder y nerth

Efesianys 1:8

a ros dhyn yn hel, yn oll furneth ha konvedhes,

Efesianys 3:10

may fe deklarys lemmyn dhe'n prynsipatys ha'n potestatys y'n tylleryow nevek, der an eglos, furneth Duw, meur hy diverseth,

Efesianys 3:20

Lemmyn, dhe neb a yll gul dres pup-tra yn pals dres eghenn moy es dell bysyn na brederyn, war-lergh an galloes a ober ynnon ni,