Job 9:32 - An Bibel Kernewek 20234 (Kernewek Kemmyn)

³² Rag nyns yw ev gour, dell ov vy, may hylliv y worthybi, may hyllyn dos war-barth erbynn y gila y'n breuslys.

Job 9:32 ပူးပေါင်းရင်းမြစ်များ

Job 33:12

‘My a worthyp dhis, yn hemma nyns os ewn; rag brassa yw Duw ages mab-den.

Job 33:7

Ny dal own ahanav dha euthega; ny wrowedh ow leuv yn poes warnas.

Job 9:14

Fatell allav ytho dadhla ganso, ow tewis ow geryow ganso?

Job 9:19

Mars yw mater a grevder, mir ha galloesek yw ev! Mars yw mater a wirvreus, piw a yll settya termyn rag ow goslowva?

Job 9:3

Mar mynnir dadhla ganso, ev a yll govynn mil wovynn, na allsa denvyth gorthybi dhedha.

Job 9:31

hwath ty a'm trogh yn pytt loubek, ha'm dillas ow honan a'm kas.

Salmow 143:2

Na dhoro dha was dhe vreus, rag y'th wolok jy ny vydh denvyth bew prevys gwiryon.

Ekklesiastes 6:10

Dhe'n dra a veu kyns, hanow a veu res seulabrys. Y hwodhor pandr'yw mab-den. Ny yll strivya gans den yw kreffa agesso.

Ysay 45:9

Go-ev neb a striv orth y Wrier, priweyth orth an priweythor! A lever an pri dh'y formyer, ‘Pandr'a wredh?’ po ‘Nyns eus skovornow dhe'th ober’?

Yeremia 49:19

Otta, avel lew ow tos a-dhiworth kaswydh an Yordan erbynn peurva a dhur der an vlydhen, a-dhesempis my a's chas yn-mes anedhi. Piw yw an den dewisys a apoyntyav rag hemma? Rag piw yw haval dhymm? Piw a yll ow gelwel dhe ri akont? Piw yw an bugel a yll sevel er ow fynn?

Niverow 23:19

Nyns yw Duw gour, may wowleverro, na mab-den, may koettho yn edrek. A wrug ev leverel, ha ny'n gwra? Po a gewsis, ha ny'n kowlwra?

Romanyon 9:20

Mes piw os jy, den, dhe worthybi dhe Dhuw? A lever an dra formys dh'y formyer, ‘Prag y'm gwrussys yndella?’

1 Yowann 3:20

Rag mara'gan kuhudh agan kolonn ni, Duw yw brassa ages agan kolonn, hag a woer pup-tra.

1 Samuel 16:7

Mes yn-medh an Arloedh dhe Samuel, ‘Na vir war naneyl y semlans na hirder y gorf, drefenn my dh'y skonya; rag ny wra an Arloedh gweles kepar dell wel mab-den; rag mab-den a vir war an semlans, mes an Arloedh a vir war an golonn.’