Job 9:26 - An Bibel Kernewek 20234 (Kernewek Kemmyn)

²⁶ I a dremen kepar ha skathow a gors, kepar hag er ow fistena dhe'n preydh.

Job 9:26 ပူးပေါင်းရင်းမြစ်များ

2 Samuel 1:23

Sowl ha Yonathan, yn aga bewnans meurgerys ha jentyl, hag yn mernans nyns ens rynnys; skaffa es eryon ens, kreffa es lewyon ens.

Lavarow Koth 23:5

Pan wel dha dhewlagas rychys, gyllys yw, rag distowgh ev a gemmer diwaskell dhodho y honan, ow nija avel er war-tu ha'n ebron.

Ysay 18:2

neb a dhannvon kannasow war an mor, yn lestri papyrus war enep an dowr. Kewgh, hwi gannasow skav, dhe genedhel hir ha smodh aga kroghen, dhe bobel ownys ogas ha pell, kenedhel grev ha breselek, neb yw hy thir rynnys gans avonyow.

Yeremia 4:13

Otta, ev a yskynn avel kommol, ha'y jarettow a vydh avel korwyns: y vergh yw uskissa ages eryon. Go-ni! rag diswrys on ni.

Kynvannow 4:19

Skaffa veu agan helghysi ages eryon an nevow; war an menydhyow i a'gan chasyas, y'n difeythtir i a'gan kontrewaytyas.

Habakkuk 1:8

Skaffa ages lewpardes yw aga mergh, ha gwylsa yns ages bleydhi an gorthugher: aga marghogyon a boen yn-mes, ha'ga marghogyon a dheu dhiworth pell. I a nij kepar ha'n er a fisten dhe dhybri;

Dewteronomi 28:49

An Arloedh a dhrehav er dha bynn kenedhel a bellder, dhiworth penn an norvys, mar skav dell nij an er yn-nans, kenedhel ma na gonvedhydh hy thaves,