Job 9:24 - An Bibel Kernewek 20234 (Kernewek Kemmyn)

²⁴ Res yn leuv an debeles yw an norvys; ev a gudh fas y vreusysi. Mar nyns yw ev, piw yw ytho?

Job 9:24 ပူးပေါင်းရင်းမြစ်များ

2 Samuel 15:30

Mes Davydh eth yn-bann dre leder menydh Oliv, hag ev a oelas hag ev ow mos yn-bann, gans y benn kudhys, hag ev eth dieskis; hag oll an bobel esa ganso a gudhas aga fenn ynwedh, hag i a oelas hag i ow mos yn-bann.

2 Samuel 19:4

An myghtern a gudhas y fas ha garma ughel y lev, ‘A ow mab Absalom! A Absalom, ow mab, ow mab!’

Ester 6:12

Ena dehweles a wrug Mordekay dhe yet an myghtern, ha Haman a fistenas tre yn unn gyni, ha kudhys y benn.

Ester 7:8

Hware an myghtern a dhehwelis dhiworth lowarth an palys bys yn hel an kevewi; hag yth esa Haman ow koedha war an gweli-dydh le mayth esa Ester. Ytho yn-medh an myghtern, ‘A vynn ev hwath defola an vyghternes, ha hi genev y'm chi ow honan?’ Kettell asas an ger ganow an myghtern, i a gudhas fas Haman.

Job 10:3

A hevel bos da dhis arwaska, kasa ober dha dhiwleuv ha splanna war dowlow tebelwesyon?

Job 12:17

Ev a led konseloryon dhe-ves dieskis, hag ev a wra dhe vuskogyon bos breusysi.

Job 16:11

Duw re'm delivras dhe'n den didhuw, ha'm ri yn diwla an debeles.

Job 19:7

‘Otta, my a gri “Freudh!”, mes nyns ov klewys; my a gri rag gweres mes nyns eus gwirvreus.

Job 22:8

An gour nerthek a berghenn an tir, hag yma den enoradow trigys ynno.

Job 24:12

Dhiworth an sita tus usi ow merwel a gyn, hag enev an dus woliys a gri rag gweres; mes ny wra Duw vri a'ga pysadow.

Job 24:25

‘Mar nyns yw yndella, piw a brev ow bos gowleveryas, ha diskwedhes bos ow geryow travyth?’

Job 32:2

Mes Elihu mab Barakel an Buzyas a deylu Ram eth ha bos pur serrys drefenn Job dhe justifia y honan moy es Duw.

Salmow 17:14

Dhiworth tus, dre dha leuv, A Arloedh, dhiworth tus an bys ma. Re gaffons aga rann y'n bewnans ma, ha bedhes aga thorr lenwys a'th kessydhyans kudh. Bedhes aga mebyon lenwys, ha gasens remenant an kessydhyans dh'aga fleghigyow.

Ekklesiastes 4:1

Ytho my a dreylyas arta dhe weles oll an arwask yw gwrys yn-dann an howl. Hag otta, dagrow an dus arweskys: ny's teves konforter; denvyth ny's delirv dhiworth nerth aga arwaskoryon; ny's teves konforter.

Yeremia 14:4

Drefenn bos krin an gweres rag nyns esa glaw war an dor, methek o an diogyon, i a gudhas aga fenn.

Daniel 4:17

Der ordenans an woelysi yw an vreus, ha dre gows an syns yw an ervirans, rag may konvettho an re vew bos an Ughella rewler yn gwlaskor mab-den; hag ev a's re dhe'n neb a vynn, hag a sett warnedhi an isella a dus.”

Malaki 2:17

Hwi re skwithas an Arloedh gans agas geryow. Hwi a lever, ‘Fatell y'n skwithsyn?’ Pan leverewgh ‘Peub neb a wra drog yw da yn golok an Arloedh, hag ev yw pes da anedha’, po ‘Ple'ma an Duw a wirvreus?’