Job 9:10 - An Bibel Kernewek 20234 (Kernewek Kemmyn)

¹⁰ Ev a wra taklow meur dres hwithra, ha taklow marthys heb niver.

Job 9:10 ပူးပေါင်းရင်းမြစ်များ

Job 37:23

An Ollgalloesek – ny yllyn y gavoes; meur yw y nerth, ha'y vreus, hag yn y wirvreus ha'y ewnder bras ny arwask ev.

Job 37:5

Duw a darenn yn fordhow marthys; ev a wra taklow bras dres agan konvedhes.

Job 5:9

Ev a wra taklow meur hag anhwiladow, taklow bryntin heb niver.

Salmow 136:4

neb y honan a wra marthusyon meur, rag y dregeredh a dhur bys vykken;

Salmow 145:3

Meur yw an Arloedh hag ev a dal bos gormelys yn fras, ha ny yllir hwithra y veuredh.

Salmow 71:15

Ow ganow a dheriv dha ewnder ha'th selwyans oll an jydh, rag ny wonn aga niver.

Salmow 72:18

Benniges re bo an Arloedh Duw, Duw Ysrael, neb y honan a wra marthusyon;

Eksodus 15:11

‘Piw yw haval dhis, A Arloedh, yn mysk an duwow? Piw yw haval dhis, meur yn sansoleth, euthyk yn gwriansow splann, ow kul marthusyon?

Ekklesiastes 3:11

Duw re wrug pup-tra dhe vos teg yn y brys gwiw, mes ynwedh ev re worras konvedhes yn kolonn mebyon den a dermyn ow tremena trank heb worfenn, ma na allons i diskudha an ober a wrug Duw a-dhiworth an dalleth bys yn diwedh aga bewnans.

Romanyon 11:33

O, downder rychys Duw ha'y furneth ha'y wodhvos! Ass yw y vreus dres konvedhes, ha dres hwithra y fordhow!

Efesianys 3:20

Lemmyn, dhe neb a yll gul dres pup-tra yn pals dres eghenn moy es dell bysyn na brederyn, war-lergh an galloes a ober ynnon ni,