Job 8:8 - An Bibel Kernewek 20234 (Kernewek Kemmyn)

⁸ ‘Rag govynn, my a'th pys, orth an henedh tremenys, ha dysmyk an taklow hwithrys gans an tasow;

Job 8:8 ပူးပေါင်းရင်းမြစ်များ

2 Kroniklys 10:6

Ena myghtern Rehoboam a omgusulyas gans an henavogyon a sevi a-rag y das Solomon hag ev hwath yn few, ow leverel, ‘Fatell y'm kusulyowgh a worthybi dhe'n bobel ma?’

Job 12:12

Yma furneth gans an dus koth, ha konvedhes yn hirder dydhyow.

Job 13:1

‘Otta, ow lagas re welas oll hemma, ow skovarn re woslowas orto ha'y gonvedhes.

Job 15:10

Genen yma ha'n dus loes aga blew ha tus pur goth, kottha yn feur ages dha das.

Job 15:18

an pyth a veu disklerys gans tus fur, ha na veu kudhys ragdha gans aga thasow,

Job 20:4

‘A ny wodhes hemma a-henys, a-ban veu den settys war an norvys,

Salmow 44:1

A Dhuw, ni re glewas gans agan diwskovarn, agan tasow re venegas dhyn ni, an gweythres a wrussys yn aga dydhyow i, y'n termyn koth.

Ysay 38:19

Den bew, ny yll marnas den bew dha wormel, avelov vy hedhyw; tasow a wra godhvedhys dhe vebyon dha wiryonedh.

Yoel 1:2

Klewewgh hemma, hwi henavogyon, ha rewgh skovarn, oll hwi annedhysi an tir. A hwarva tra a'n par ma yn agas dydhyow, po yn dydhyow agas tasow?

Romanyon 15:4

Rag pypynag a veu skrifys kyns a veu skrifys rag agan dyski, rag may hwrellen der agan perthyans ha dre gonfort an skryptors, kavoes govenek.

1 Korinthianys 10:11

Lemmyn an traow ma a hwarva yn ensampel dhedha i, mes skrifys vons rag agan keski ni, may teuva keweras an oesow warnan.

Dewteronomi 32:7

Porth kov a'n dydhyow koth prederewgh an blydhynyow a lies henedh: govynn orth dha das hag ev a'n deriv dhis, orth dha henavogyon hag i a'n lever dhis.

Dewteronomi 4:32

Govynn lemmyn a-dro dhe'n dydhyow kyns, kyns dha dermyn jy, dhiworth an jydh may kreatyas Duw den war an norvys; dhiworth tu arall unn penn a'n ebron bys y'n penn arall: eus hwarvedhys neppyth kepar ha'n dra vras ma, po a veu neppyth haval dhodho klewys?