Job 8:3 - An Bibel Kernewek 20234 (Kernewek Kemmyn)

³ A gammdreyl Duw gwirvreus? Po a gammdreyl an Ollgalloesek an gwir?

Job 8:3 ပူးပေါင်းရင်းမြစ်များ

Jenesis 18:25

Pell bedhes dhiworthis gul war-lergh an gis ma, ladha an re wiryon gans an re dhrog, may fo an re wiryon kepar ha'n re dhrog; bedhes pell dhiworthis! A ny vynn Breusyas oll an nor gul gwirvreus?’

2 Kroniklys 19:7

Yndella bedhes own an Arloedh warnowgh; attendyewgh an pyth a wrewgh, rag nyns eus anewnder gans an Arloedh agan Duw, na faverans, na kemmeres falswobrow.’

Job 10:3

A hevel bos da dhis arwaska, kasa ober dha dhiwleuv ha splanna war dowlow tebelwesyon?

Job 19:6

godhvydhewgh lemmyn Duw dhe'm domhwel, ha'm kyrghynna gans y roes.

Job 19:7

‘Otta, my a gri “Freudh!”, mes nyns ov klewys; my a gri rag gweres mes nyns eus gwirvreus.

Job 21:15

Pyth yw an Ollgalloesek may koedh dhyn y servya? ha py budh a vydh dhyn mar pysyn dhodho?”

Job 21:20

Re wello aga dewlagas aga distruyans, ha re effons sorr an Ollgalloesek.

Job 34:5

‘Job re leveris, “Ankablus ov, mes Duw re gemmeras dhe-ves ow gwirvreus;

Job 35:13

Yn sur ny glew Duw kri gwag, ny wra an Ollgalloesek vri anodho.

Job 36:23

Piw re ragsettyas dhodho y fordhow, po leverel dhodho, “Ty re gammwrug”?

Job 36:3

My a dhre ow godhvos dhiworth pell, ha my a askrif gwiryonedh dhe'm Gwrier.

Job 37:23

An Ollgalloesek – ny yllyn y gavoes; meur yw y nerth, ha'y vreus, hag yn y wirvreus ha'y ewnder bras ny arwask ev.

Job 4:17

“A yll mab-den bos moy gwiryon es Duw? A yll gour bos purra es y Wrier?

Job 40:2

‘A yll den kavyllek strivya gans an Ollgalloesek? Neb a dhadhel gans Duw, gorthybes ev dhodho.’

Job 40:8

A vynnydh diswul ow breus? A vynnydh ow dampnya rag ty dhe vos ewnhes?

Job 9:2

‘Dhe wir y hwonn y vos yndella; mes fatell yll den bos ewn a-dherag Duw?

Salmow 89:14

Ewnder ha gwirvreus yw sel dha se; tregeredh ha gwirder a a-dherag dha fas.

Salmow 99:4

An Galloesek yw Myghtern hag a gar gwirvreus; ty re fastyas ewnhynseth, ty re wrug gwirvreus hag ewnder yn Yakob.

Ezekiel 18:25

Mes hwi a lever, ‘Fordh an Arloedh yw anewn.’ Klewewgh, chi Ysrael: Yw ow fordh anewn, po a nyns yw agas fordhow hwi anewn?

Ezekiel 33:17

Mebyon dha bobel a lever, ‘Fordh an Arloedh nyns yw ewn’, pan nag yw ewn aga fordh i.

Ezekiel 33:20

Hwi a lever, ‘Fordh an Arloedh yw anewn.’ Mes my a vreus pubonan herwydh y fordhow, A ji Ysrael.

Daniel 9:14

Yndella an Arloedh a woelyas, ow hwilas chons dhe dhri an droglamm warnan; rag gwiryon yw an Arloedh agan Duw yn y weythresow oll, ha ny woslowsyn orth y lev.

Romanyon 2:5

Mes dre dha golonn gales hag anedrek yth esos ow kreuni konnar ragos dha honan y'n jydh a gonnar may fo diskwedhys ynno breus gwiryon Duw.

Dewteronomi 32:4

An Garrek – perfydh yw y ober, rag oll y fordhow yw ewn; Duw a lenduri, heb kammhynseth, gwiryon ha kompes yw ev.

Diskwedhyans 15:3

Hag i a gan kan Moyses gwas Duw, ha kan an Oen, ow leverel, ‘Bras ha marthys yw dha wriansow, A Arloedh Duw Ollgalloesek; ewn ha gwir yw dha fordhow, A Vyghtern an kenedhlow.

Diskwedhyans 16:7

Ha my a glewas an alter ow leverel, ‘Dhe wir, A Arloedh Duw Ollgalloesek, gwir hag ewn yw dha vreusow.’