Job 7:21 - An Bibel Kernewek 20234 (Kernewek Kemmyn)

²¹ Prag na evydh ow threuspass ha kemmeres dhe-ves ow hammweyth? Rag lemmyn my a wrowedh y'n doust; ty a'm hwila mes ny vydhav ena.’

Job 7:21 ပူးပေါင်းရင်းမြစ်များ

2 Samuel 24:10

Ha kolonn Davydh a veu gweskys wosa ev dhe nivera an bobel. Hag yn-medh Davydh dhe'n Arloedh, ‘My re beghas yn feur y'n pyth re wrugavy. Mes lemmyn, A Arloedh, my a'th pys, gav kammweyth dha was; rag my re wrug yn foll.’

Job 10:14

Mar peghav, ty a'm merk, ha ny'm assoylydh a'm kammweyth.

Job 10:9

Porth kov, ty dhe'm gul a bri; a vynnydh ow threylya dhe dhoust arta?

Job 13:19

Eus nebonan a yll dri kuhudhans er ow fynn? Mar pe, my a via taw ha tremena.

Job 14:10

Mes gour a verow ha difygya; dhe wir, den a anell y dhiwettha anall ha ple'ma ev?

Job 17:14

mar lavarav dhe'n pytt, “Ty yw ow thas”, ha dhe'n gontronenn, “Ty yw ow mamm ha'm hwoer”,

Job 20:8

Ev a nij dhe-ves kepar ha hunros, ha ny vydh kevys; ev a vydh chasyes dhe-ves kepar ha gwelesigeth nos.

Job 27:19

Ev a wrowedh gans rychys, mes ny wra henna na fella; pan iger y dhewlagas gyllys yw pup-tra oll.

Job 3:13

Rag ena my a wrowedhsa ha bos kosel, my a gosksa, ena my a via yn powesva

Job 33:9

“Pur ov, heb treuspass; glan ov, ha heb anewnder.

Job 7:8

Ny wra lagas Duw neb a'm aspi ow gweles arta; dha dhewlagas a vydh warnav, mes gyllys vydhav.

Job 8:1

Ena Bildad an Shuhyas a worthybis:

Job 9:28

my a berth own a'm duwon oll, rag my a woer na wredh ow synsi ankablus.

Salmow 103:15

Dydhyow mab-den yw avel gwels; avel bleujenn an gwel, yndella y fleujyow ev;

Salmow 37:36

Mes my a dremenas hag otta, nyns esa ol anodho; my a'n hwilas, ha nyns o kevys.

Ekklesiastes 12:7

ha'n doust a dhehwel dhe'n dor kepar dell o, ha'n spyrys a dhehwel dhe Dhuw neb a'n ros.

Ysay 26:19

Dha re varow a vydh bew; aga horfow a sev. Difunewgh ha kenewgh yn lowen, annedhysi an doust; rag dha luth yw gluth a wolow, ha'n nor a dhineyth spyrysyon an re varow.

Ysay 64:9

Na sorr dres eghenn, A Arloedh, ha na borth kov a anewnder bys vykken. Otta mir, ni oll yw dha bobel.

Daniel 12:2

Ha tus pals usi ow koska yn doust an dor a dhifun, re dhe vewnans heb diwedh, ha re dhe veth ha dhe vismer bys vykken.

Hosea 14:2

Kemmerewgh genowgh hwi geryow, ha dehwelewgh dhe'n Arloedh. Leverewgh dhodho, ‘Gav pub kammhynseth, ha degemmer an pyth yw da, rag may attyllyn frut agan diwweus.

Yowann 1:29

Ternos ev a welas Yesu ow tos dhodho hag yn-medh ev, ‘Awotta Oen Duw neb a gemmer dhe-ves peghadow an bys.

Titus 2:14

neb a omros ragon ni may hwrella agan dasprena dhiworth pub ober dilagha ha glanhe ragdho pobel dh'y berghennogeth y honan, diwysyk yn gwriansow da.

1 Yowann 1:9

Mar aswonnyn agan peghosow, lel yw ev hag ewnhynsek, hag ev a av dhyn agan peghosow, ha'gan glanha a bub kammhynseth.

1 Yowann 3:5

Ha hwi a woer y feu diskwedhys rag doen agan peghosow dhe-ves; hag ynno nyns eus peghes.