Job 5:7 - An Bibel Kernewek 20234 (Kernewek Kemmyn)

⁷ mes dineythys yw den dhe drobel dell wra gwryghon nija war-vann.

Job 5:7 ပူးပေါင်းရင်းမြစ်များ

Job 14:1

‘Mab-den, genys a venyn, yw kott y dhydhyow, ha leun a anken.

Job 7:1

‘A nyns eus dhe vab-den gonis kales war an norvys, hag a nyns yw aga dhydhyow kepar ha'n dydhyow a arvethesik?

Salmow 90:10

Dydhyow agan blydhynyow yw deg blydhen ha tri-ugens; po dre reson krevder peswar-ugens blydhen, byttegyns nyns yw aga nerth marnas poenvos hag ahwer; rag hware y hedh, ha gyllys on ni dhe goll.

Ekklesiastes 1:8

Oll an taklow ma yw skwithus: ny yll denvyth kewsel a-dro dhedha. Nyns yw an lagas gwalghys gans gweles, na'n skovarn gorlenwys gans klewes.

Ekklesiastes 2:22

Pandr'a gyv den dhiworth oll y lavur ha dhiworth oll yeunadow y golonn a wra ev dhe oberi yn-dann an howl?

Ekklesiastes 2:23

Rag oll y dhydhyow yw poen, ha'y ober yw keudh; ha hwath yn nos ny yll y golonn powes. Hemma ynwedh yw euveredh.

Yeremia 20:18

Prag y teuth vy yn-mes a'n dorr dhe weles lavur hag ahwer, ha spena ow dydhyow yn meth?

1 Korinthianys 10:13

Ny dheuva warnowgh temptasyon vyth nag yw kemmyn dhe vab-den. Lel yw Duw, ha ny wra ev agas gasa dhe vos temptys dres agas nerth, mes keffrys ha'n temptasyon ri fordh a dhiank a wra ev, rag may hyllowgh y berthi.