Job 5:5 - An Bibel Kernewek 20234 (Kernewek Kemmyn)

⁵ An den nownek a dheber y drevas, hag ev a's kemmer hwath dhiworth spern; ha'n dus syghesik a dhyen rag y rychys.

Job 5:5 ပူးပေါင်းရင်းမြစ်များ

2 Kroniklys 33:11

Yndella an Arloedh a dhros er aga fynn kaslewydhyon lu myghtern Assyria, hag i a synsis Manasse avel prisner, ha gorra higenn yn y droen ha'y gelmi gans sprallow a vrons ha'y dhri dhe Babylon.

Job 1:15

ha'n Sabeanys a settyas orta ha'ga hemmeres, ha ladha an servysi gans min an kledha, ha my ow honan re dhienkas rag leverel dhis.’

Job 1:17

Hag ev hwath ow kewsel, y teuth onan moy ha leverel, ‘An Kaldeanys a formyas tri bagas a ladron, hag a wrug omsettyans orth an kowrvergh ha'ga hemmeres, ha ladha an servysi gans min an kledha, ha my ow honan re dhienkas rag leverel dhis.’

Job 12:6

Yn kres yw tyldow ladron, hag yn sawder yw an re a brovok Duw, neb a dhre aga duw yn aga leuv.

Job 2:3

An Arloedh a leveris dhe Satnas, ‘A bredersys a-dro dhe'm gwas Job? Nyns eus denvyth kepar hag ev war an norvys, gour divlam hag ewnhynsek, ow perthi own a Dhuw hag ow treylya dhiworth drog. Ev a with y lander hwath yn fast, kynth ynnisys warnav y dhistrui heb kaws.’

Job 20:15

Ev a lenk rychys, ha'ga hwyja arta; Duw a's estewl dhiworth y dorr.

Job 20:22

Yn leunder y balster ev a vydh stroethys; oll an nerth a anfeus a dheu warnodho.

Job 22:10

Rakhenna yma antylli a-dro dhis, hag own a wra dha euthega a-dhistowgh,

Salmow 109:11

Dalghennes an okerer pup-tra eus ganso, ha pylles estrenyon askorr y lavur.

Ysay 62:8

An Arloedh re dos ren y vregh dhyghow ha re vregh y nerth: Ny rov dha reun arta avel boes rag dha eskerens, ha ny yv mebyon estren dha win nowydh a lavursys ragdho;

Yeremia 51:34

‘Nebukadnessar myghtern Babylon re'm kollonkas, ev re'm desyghas, ev a wrug dhymm bos lester gwag, ev re'm lonkas avel dragon; ev re lenwis y dorr gans ow taklow denteth, ev re'm trewas y'n mes.

Yeremia 51:44

My a gessydh Bel yn Babylon, ha kemmeres a'y anow an pyth re lonkas. Ny wra an kenedhlow frosa dhodho na fella; ynwedh fos Babylon re goedhas.

Kynvannow 2:16

Oll dha eskerens a iger aga ganow er dha bynn; i a hwiban ha deskerni aga dyns, ha kria: ‘Ni re's kollonkas! Hemm yw devri an jydh mayth en ni hwansek dhodho. Wor'tiwedh ni re'n kavas! ni re'n gwelas!’

Kynvannow 2:5

An Arloedh o kepar hag eskar, ev re gollonkas Ysrael; ev re gollonkas oll y lysyow, ev re dhistruis y dhinasow; ha palshe yn myrgh Yuda drem ha kynvann.

Hosea 8:7

I re hasas an gwyns, ha mysi an korwyns. Garrow an ys ny's teves penn; ny wra bleus. Mar kwrello greun, ena estrenyon a wra y lenki.

Dewteronomi 28:33

Pobel na aswonnsys a dheber frut dha dir hag oll askorr dha lavur, ha ny vydhydh saw arweskys ha tebeldhyghtys oll dha dhydhyow.

Dewteronomi 28:51

hag ev a dheber leughi dha vestes hag askorr dha dir bys may hwrello dha dhistrui; ny as ragos ys, gwin nag olew, leughi dha jatel nag eyn dha flokk bys may hwrello dha dhistrui.

Breusysi 6:11

Lemmyn el an Arloedh a dheuth hag esedha yn-dann an derebinthenn yn Ofra, o dhe Yoash, an Abiezryas. Pan esa y vab Gideon ow trushya gwaneth y'n winwask, rag y gudha a'n Midyanysi,