Job 42:8 - An Bibel Kernewek 20234 (Kernewek Kemmyn)

⁸ Rakhenna kemmerewgh lemmyn dhywgh seyth tarow ha seyth hordh ha mos dhe'm gwas Job hag offrynna ragowgh offrynn leskys, ha'm gwas Job a bys ragowgh ha my a dhegemmer y bysadow, ha ny'gas dyghtyav herwydh agas follenep; rag ny gewssowgh ahanav an pyth yw ewn, kepar dell wrug ow gwas Job.’

Job 42:8 ပူးပေါင်းရင်းမြစ်များ

Jenesis 20:17

Ytho Abraham a bysis war Dhuw ha Duw a sawyas Abimelek ha'y wreg ha'y vaghtethyon, hag i a dhineythis fleghes.

Jenesis 20:7

Lemmyn ytho, daskorr y wreg dhe'n gour, rag profoes yw ev, hag ev a bys ragos, ha ty a vew. Mes mar ny wredh hy daskorr, gwra godhvos ty dhe verwel yn sur, ty ha myns eus dhis.’

1 Kroniklys 15:26

Rag Duw dhe weres an Levysi neb a dhug argh kevambos an Arloedh, i a sakrifias seyth tarow ha seyth hordh.

2 Kroniklys 29:21

I a dhros seyth tarow, seyth hordh, seyth oen, ha seyth bogh avel offrynn pegh rag an wlaskor, rag an sentri ha rag Yuda. Ev a worhemmynnis dhe'n oferysi, mebyon Aron, aga offrynna war alter an Arloedh.

Job 1:5

Ha pan dho kylgh an kevewi dhe benn, Job a dhannvona ha'ga sakra, hag ev a sevi myttin a-varr hag offra offrynnow leskys herwydh an niver anedha oll, rag Job a leveri, ‘Martesen ow mebyon re beghas ha milliga Duw yn aga holonn.’ Yndella y hwre Job prest.

Job 1:8

An Arloedh a leveris dhe Satnas, ‘A bredersys a-dro dhe'm gwas Job? Nyns eus denvyth kepar hag ev war an norvys, gour divlam hag ewnhynsek, ow perthi own a Dhuw hag ow treylya dhiworth drog?’

Job 22:30

Ev a dhelirv an gour ankablus, ha ty a vydh delivrys dre lander dha dhiwleuv.’

Job 35:8

Ny wra dha sherewynsi tochya marnas gour kepar ha ty, ha ny doch dha ewnder marnas mebyon tus.

Job 42:9

Elifaz an Temanyas ha Bildad an Shuhyas ha Sofar an Naamathyas eth ha gul herwydh an pyth a worhemmynnis an Arloedh dhedha; ha'n Arloedh a dhegemmeras pysadow Job.

Salmow 103:10

Ny wrug ev dhyn war-lergh agan peghosow, nag attyli dhyn war-lergh agan kammweythresow;

Eksodus 18:12

Ha Yethro, hwegron Moyses, a offrynnas offrynn leskys ha sakrifisow dhe Dhuw, hag Aron a dheuth gans oll an henavogyon a Ysrael dhe dhybri bara gans hwegron Moyses a-rag Duw.

Ysay 60:14

Mebyon an re a'th arwaskas a gerdh dhis ow plegya dhe'n dor, hag oll myns a'th tespityas a ombleg dhe'n dor orth godhnow dha dreys; hag i a'th elow Sita an Arloedh, Sion a Sans Ysrael.

Yeremia 14:11

Ena an Arloedh a leveris dhymm: Na wra pysi rag dader an bobel ma.

Yeremia 15:1

Ena an Arloedh a leveris dhymm: Mar saffa Moyses ha Samuel a-ragov, hwath ny allsa ow holonn treylya war-tu an bobel ma; gwra aga dannvon mes a'm golok, ha'ga gasa dhe vones.

Ezekiel 14:14

hwath kyn fe an tri gour ma ynno, Noy, Daniel, ha Job, ny allsens delivra marnas aga enevow aga honan der aga gwiryonedh, yn-medh an Arloedh Duw.

Ezekiel 45:23

Seyth dydh a'n goel ev a brovi offrynn leskys dhe'n Arloedh, seyth tarow, ha seyth hordh heb namm, rag pubonan a'n seyth dydh, ha bogh rag offrynn pegh

Niverow 23:1

Ha Balaam a leveris dhe Balak, ‘Drehav dhymm omma seyth alter, ha provia ragov omma seyth lodhen ha seyth hordh.’

Niverow 23:14

Hag ev a'n kemmeras dhe wel Sofim, dhe benn Pisga, ha drehevel seyth alter, hag offrynna lodhen ha hordh war bub alter.

Niverow 23:29

Ha Balaam a leveris dhe Balak, ‘Drehav dhymmo omma seyth alter, ha provia dhymm omma seyth lodhen ha seyth hordh.’

Matthew 3:17

hag awotta lev yn-mes a'n nevow ow leverel, ‘Hemm yw ow Mab karadow, mayth usi ynno ow delit.’

Efesianys 1:6

dhe wormel splannder y ras a wrontyas dhyn y'n Karadow;

2 Timothi 4:14

Aleksander an gweythor kober a wrug meur dhrog dhymmo; an Arloedh a re dhodho war-lergh y wriansow.

Ebrowyon 10:4

Rag ny yll goes terewi na gever dilea peghosow.

Ebrowyon 7:25

Yndellma, ev a yll selwel, rag oll termyn, an re a nes dhe Dhuw dredho, rag ev a vew prest dhe bysi ragdha.

Jamys 5:14

Eus nebonan klav yn agas mysk? Gelwes ev henavogyon an eglos ha gwrens i pysi warnodho ha'y untya gans oyl yn hanow an Arloedh.

Jamys 5:16

Ytho, yesewgh agas peghosow an eyl dh'y gila, ha pysewgh an eyl rag y gila, may fewgh yaghhes. Pur nerthek yw an pysadow effeythus a dhen gwiryon.

1 Yowann 5:16

Den mar kwel y vroder ow pegha peghes nag eus bys yn mernans, ev a wra pysi, ha Duw a re dhodho bewnans rag an re na beghons bys yn mernans. Yma peghes yw peghes bys yn mernans; ny lavarav y tylir pysi rakhenna.

1 Yowann 5:6

Hemm yw neb a dheuth dre dhowr ha dre woes, Yesu Krist; ha nyns o unnsel dre dhowr, mes dre dhowr ha dre woes. Ha'n Spyrys yw an dustunier, rag an Spyrys yw gwirder.

Diskwedhyans 3:9

Otta, y hwrav gul dhedha a'n synaga a Satnas a lever aga bos Yedhewon, ha nyns yns, mes i a wowlever – otta, y hwrav gul dhedha dos dhe omblegya a-dherag dha dreys, ha godhvos my dhe'th kara.

1 Samuel 25:35

Ena Davydh a dhegemmeras dhiworth hy leuv an pyth re rosa dhodho; hag ev a leveris dhedhi, ‘Ke yn-bann dhe'th chi yn kres; gwel, my re woslowas orth dha lev, ha my re wrontyas dha wovynnadow.’