Job 42:6 - An Bibel Kernewek 20234 (Kernewek Kemmyn)

⁶ rakhenna my a'm kas ow honan, ha koedha yn edrek yn doust ha lusu.’

Job 42:6 ပူးပေါင်းရင်းမြစ်များ

Jenesis 18:27

Hag Abraham a worthybis, ‘Awotta lemmyn, my re vedhas kewsel orth an Arloedh, ha my doust ha lusu.

1 Myghternedh 21:27

Pan glewas Ahab an geryow na, ev a skwardyas y dhillas ha gorra saghlenn war y gig noeth; ev a wrug penys, growedha y'n saghlenn, ha mos a-dro yn foredhek.

Ezra 9:6

ha leverel, ‘Ow Duw, meth a'm beus hag ankombrys ov may trehavav ow fas dhis, ow Duw: drefenn bos agan drogoberow ynkressys a-ugh agan penn, ha'gan kammweyth ughelhes bys y'n nevow.

Job 2:8

Hag ev a gemmeras darn a briweyth may halla omdhiruska ganso, hag ev a esedhas yn mysk an lusu.

Job 30:19

Duw re'm tewlis y'n leys, ha my res eth ha bos kepar ha doust ha lusu.

Job 42:5

My re glewsa ahanas dre glewans an skovarn, mes lemmyn ow dewlagas re'th welas;

Job 42:7

Wosa an Arloedh dhe leverel an taklow ma dhe Job ev a leveris dhe Elifaz an Temanyas: ‘Ow sorr re dhewis er dha bynn hag erbynn dha dhew goweth, drefenn na gewssowgh ahanav an pyth yw ewn, kepar dell wrug ow gwas Job.

Job 9:31

hwath ty a'm trogh yn pytt loubek, ha'm dillas ow honan a'm kas.

Salmow 51:17

Sakrifisow Duw yw spyrys trogh; kolonn drogh ha keudhesik, A Dhuw, ny dhispresydh.

Ysay 5:5

Lemmyn my a dheriv dhywgh an pyth a wrav rag ow gwinlann: my a gemmer dhe-ves an ke ha hi a vydh peurva; my a wra aswa yn hy fos ha hi a vydh tir trettys.

Ysay 58:5

Yw yndella an penys a dhewisav, dydh rag den dhe omuvelhe? Yw rag plegya y benn yn-nans avel korsenn, ha lesa avel gweli yskar ha lusu? Yw hemma an pyth a gelwydh penys, ha dydh kemmeradow dhe'n Arloedh?

Yeremia 31:19

Rag wosa my dhe dreylya, my a goedhas yn edrek, ha wosa my dhe vos dyskys, my a weskis ow mordhos; meth a'm bo ha my a veu iselhes, drefenn my dhe dhoen keredh ow yowynkneth.’

Ezekiel 16:63

rag may perthi kov ha bos methek, heb igeri dha anow arta drefenn dha dhisenor, pan wrav prenedh dhis rag pup-tra re wrussys, yn-medh an Arloedh Duw.

Ezekiel 20:43

Ena hwi a berth kov a'gas fordhow, hag oll agas drogoberow may fewgh defolys dredha; ha kasadow dhywgh agas honan a vydh oll agas drogoberow a wrussowgh.

Ezekiel 36:31

Ena hwi a berth kov a'gas drog fordhow ha'gas gweythresow na vons da; ha hwi a wra divlasa agas honan rag agas kammweythresow ha'gas gwriansow kasadow.

Ezekiel 6:9

An re ahanowgh a skap a wra ow kovhe y'n kenedhlow mayth yns i degys yn kethneth, fatell ov vy terrys gans aga holonn avoutrek a dreylyas a-dhiworthiv, ha gans aga dewlagas ow horya war-lergh aga idolys. Kasa aga honan a wrons dre reson an drogow a wrussons rag oll aga thaklow kasadow.

Daniel 9:3

Ena my a dreylyas ow thremmynn troha'n Arloedh Duw, orth y hwilas dre bysadow ha der aspysadow, gans penys, ha gans yskar ha lusu.

Levitikus 13:12

Ha mar omles an lovryjyon y'n kneus ha gorheri yn tien kneus an den plagys, a'y benn bys yn y droes, plepynag may firro an oferyas,

Matthew 11:21

‘Go-jy Korasin! Go-jy Bethsada! rag mar pe gwrys yn Tyr ha Sidon an oberow galloesek a veu gwrys yn agas mysk, seuladhydh i a goedhsa yn edrek, yn yskar ha lusu.

Luk 10:13

‘Go-jy Korasin! Go-jy Bethsaida! – rag mar pe gwrys yn Tyr ha Sidon an oberow galloesek a veu gwrys yn agas mysk, seuladhydh i a goedhsa yn edrek, esedhys yn yskar ha lusu.

Yoshua 7:6

Yoshua a skwardyas y vantell ha koedha dhe'n dor war y fas a-dherag argh Arloedh bys y'n gorthugher, ev ha henavogyon Ysrael; i a dewlis doust war aga fenn.