Job 42:11 - An Bibel Kernewek 20234 (Kernewek Kemmyn)

¹¹ Oll y vreder hag oll y hwerydh a dheuth dhodho ha pubonan re'n aswonnsa kyns ha dybri ganso yn y ji. I a'n konfortyas ha keskodhevel ganso a-dro dhe oll an trobel re dhrosa an Arloedh dhodho, ha pubonan a ros dhodho bath a vona ha bysow a owr.

Job 42:11 ပူးပေါင်းရင်းမြစ်များ

Jenesis 24:22

Wosa an kowrvergh dhe worfenna eva, an gour a gemmeras bysow owrek, hanter shekel hy foes, ha dew vreghellik rag hy diwla, deg shekel owr aga foes,

Jenesis 24:53

Ena an servont a gemmeras yn-mes lestri arghans ha lestri owr ha dillas, ha'ga ri dhe Rebeka, ha rohow drudh a ros ev dh'y broder ha'y mamm.

Jenesis 37:35

Hag oll y vebyon hag oll y vyrghes a sevis rag y gonfortya mes ev a skonyas a vos konfortys, hag ev a leveris, ‘My a vynn mos yn-nans dhe'n bedh dhe'm mab, ow kyni.’ Ha'y das a oelas ragdho.

Job 16:5

Mes na, my a wrussa agas kennertha gans ow ganow, ha gwayans ow diwweus a wrussa siwajya agas duwon.

Job 2:11

Pan glewas tri howeth Job a-dro dhe'n drogedh oll ma re dhothya warnodho, i a dheuth pub huni dhiworth y dyller y honan, Elifaz an Temanyas, Bildad an Shuhyas ha Sofar an Naamathyas. I a settyas prys war-barth rag dos dhe geskalari ganso ha rag y gonfortya.

Job 4:4

Dha eryow re dhrehevis an den esa ow trebuchya, ha ty re fastyas an dhewlin dhifreth.

Lavarow Koth 14:20

An boghosek yw kasadow gans y gentrevek hogen, mes lies yw an re a gar an den rych.

Lavarow Koth 16:7

Pan vo fordhow gour plegadow gans an Arloedh, ev a wra may fo ynwedh y eskerens yn kres ganso.

Yowann 11:19

Ha lies a'n Yedhewon a dheuth dhe Martha ha dhe Varia dh'aga honfortya a-dro dh'aga broder.

Romanyon 12:15

Lowenhewgh gans an re a lowenha, oelewgh gans an re a oel;

1 Korinthianys 12:26

Mar kodhev unn esel, an eseli oll a wodhev ganso; mars yw enorys unn esel, an eseli oll a lowenha war-barth.

Ebrowyon 12:12

Ytho krevhewgh an dhiwdhorn ydhil ha'gas dewlin dhifreth,

Ebrowyon 13:3

Perthewgh kov a'n brisnoryon par dell vewgh prisonys war-barth gansa; ha'n re yw kammdhyghtys, a-ban esowgh hwi ynwedh y'n korf.

Yoshua 24:32

Eskern Yosep, a wrug an Ysraelysi aga dri yn-bann yn-mes a Ejyp, i a ynkleudhyas yn Shekem, yn splatt an tir a wrug Yakob y brena gans kans bath a vona; ev a dheuth ha bos eretons dhe vebyon Yosep.

1 Samuel 10:27

Mes mebyon Belial a leveris, ‘Fatell yll an den ma agan sawya?’ Hag i a'n dispresyas, ha ni dhrosons dhodho ro. Mes tewel a wrug.