Job 4:4 - An Bibel Kernewek 20234 (Kernewek Kemmyn)

⁴ Dha eryow re dhrehevis an den esa ow trebuchya, ha ty re fastyas an dhewlin dhifreth.

Job 4:4 ပူးပေါင်းရင်းမြစ်များ

Job 29:11

Pubonan a glewo ahanav a leveri ow bos gwynnvys, ha pub lagas a'm gweli a dhegi dustuni da a-dro dhymm,

Job 29:25

My a dhewisi an fordh ragdha ha my a esedha avel chyf, ha my a's ledya avel myghtern yn kres y lu, kepar ha den a re konfort dhe gynoryon.

Job 4:3

Otta, ty re dhyskas lies den; ha ty re grevhas an dhiwla ydhil.

Job 4:5

Mes lemmyn ev re dheuth dhis, ha heb perthyans os; ev a'th toch, ha penndegys os.

Salmow 145:14

An Arloedh a skoedh oll an re yw koedhys, hag ev a dhrehav oll an re yw plegys dhe'n dor.

Lavarow Koth 12:18

Kows dibreder yw avel strokosow a gledha, mes taves tus fur a dhre yeghes.

Lavarow Koth 25:11

Ger kewsys a-dermyn yw haval dhe avalow a owr settys yn arghans.

Ysay 50:4

An Arloedh Duw re ros dhymm taves an re yw dyskys, rag may hwodhviv fatell sostenav gans ger an den skwith. Myttin ha myttin ev a dhifun, ev a wra dhe'm skovarn difun rag goslowes kepar ha'n re yw dyskys.

Daniel 5:6

Ena liw an myghtern a dreylyas, y brederow a'n troblas, mellow y dhiwglun a omlowsyas, ha'y dhewlin a gnoukyas an eyl orth y gila.

2 Korinthianys 2:7

ytho lemmyn, yn le henna y tegoedh dhywgh gava dhodho ha'y gonfortya, ma na ve den a'n par na fethys dre alar re vras;

2 Korinthianys 7:6

Mes Duw, neb a gonfort an re uvel, a'gan konfortyas dre dhevedhyans Titus;

1 Thessalonianys 5:14

Ha ni a'gas pys, a vreder, a geski an re yw diek, a hebaskhe an re yw digolonnek, a skoedhya an re yw gwann, hir agas godhevyans troha pub den oll.

Ebrowyon 12:12

Ytho krevhewgh an dhiwdhorn ydhil ha'gas dewlin dhifreth,