Job 4:19 - An Bibel Kernewek 20234 (Kernewek Kemmyn)

¹⁹ kemmys moy an re usi trigys yn chiow a bri, hag yma aga sel y'n doust, neb yw skwattys maga uskis avel goedhan.

Job 4:19 ပူးပေါင်းရင်းမြစ်များ

Jenesis 18:27

Hag Abraham a worthybis, ‘Awotta lemmyn, my re vedhas kewsel orth an Arloedh, ha my doust ha lusu.

Jenesis 2:7

an Arloedh Duw a formyas mab-den mes a dhoust an dor ha hwytha yn y dhewfrik anall bewnans, ha den eth ha bos enev bew.

Jenesis 3:19

Yn hwys dha fas ty a dheber bara, bys may tehwelli arta dhe'n dor; rag a henna ty a veu kemmerys: rag doust osta, ha dhe dhoust arta ty a dhehwel.’

Job 10:9

Porth kov, ty dhe'm gul a bri; a vynnydh ow threylya dhe dhoust arta?

Job 13:12

Agas lavarennow yw henlavarow a lusu, agas gorthybow yw gorthybow a bri.

Job 13:28

Den a dhe goll kepar ha tra bodrek, kepar ha dillas dybrys gans goedhanes.

Job 14:2

Ev a dyv yn-bann kepar ha bleujenn hag a wedher, ev a fi kepar ha skeus, ha ny worta.

Job 22:16

Kibys vons kyns aga thermyn, aga selyow skubys dhe-ves gans liv.

Job 25:6

kemmys le yw den hag yw kontronenn, ha mab-den, hag yw pryv!’

Job 33:6

Yth ov kepar ha ty a-dherag Duw; my ynwedh re beu gwrys a bri.

Salmow 146:4

Y anall a dhe-ves, ev a dhehwel dhe'n dor; y'n jydh na yth a y brederow oll dhe goll.

Salmow 39:11

‘Pan geredhydh den, ow kessydhya kammweyth, ty a wra dh'y dekter teudhi dhe-ves kepar dell wra an goedhan; yn hwir, anall yw pub den. Sela.

Ekklesiastes 12:7

ha'n doust a dhehwel dhe'n dor kepar dell o, ha'n spyrys a dhehwel dhe Dhuw neb a'n ros.

2 Korinthianys 4:7

Ha ni a'gan beus an tresor ma yn lestri a bri, rag may fo an nerth dres eghenn dhiworth Duw, a-der ni;

2 Korinthianys 5:1

Rag ni a woer hemma: mars yw distruys agan chi y'n bys, an tylda ma, yma dhyn drehevyans a Dhuw, chi nag yw gwrys gans leuv, a dhur bynitha y'n nevow.

1 Peder 1:24

Rag, ‘Oll kig yw kepar ha gwels, hag oll y splannder kepar ha bleujenn an gwels. An gwels a wedher, ha'n vleujenn a goedh dhe-ves,