Job 38:28 - An Bibel Kernewek 20234 (Kernewek Kemmyn)

²⁸ ‘Eus tas dhe'n glaw? Piw a dhineythis an bannaghow a luth?

Job 38:28 ပူးပေါင်းရင်းမြစ်များ

Jenesis 27:28

Ha re rollo Duw dhis gluth nev ha feythter an dor ha palster a ys ha gwin.

Jenesis 27:39

Ena Ysak y das a worthybis ha leverel dhodho, ‘Otta, pell dhiworth feythter an dor y fydh dha drigva ha dhiworth gluth an nev a-vann.

2 Samuel 1:21

A venydhyow Gilboa, na vedhes naneyl gluth na glaw warnowgh, na gwelyow a offrynnow! rag ena skoes an gasoryon a veu defolys, skoes Sowl – nyns yw untys gans oyl namoy.

1 Myghternedh 17:1

Lemmyn Elias an Tishbeyas, a Tishbe yn Gilead, a leveris dhe Ahab, ‘Dell vew an Arloedh, Duw Ysrael, mayth esov ow sevel a-dheragdho, ny vydh na gluth na glaw an blydhynyow ma, marnas my a re an ger’

Job 29:19

ow gwreydh a ystynn dhe'n dowr, ha'n gluth a wrowedh war ow skorrow dres an nos;

Job 36:27

Ev a denn war-vann an dagrennow a dhowr ha sidhla glaw dhiworth an niwl;

Job 36:28

an kommol a dhinwa war-nans, ha gasa glaw dhe goedha gans palster war vab-den.

Job 38:8

‘Piw a dhegeas an mor a-dryv darasow pan dardhas ev dhiworth an dorr? –

Salmow 147:8

Neb a gudh an nevow gans kommol, ha darbari glaw rag an nor, ha gul dhe wels tevi war an menydhyow.

Lavarow Koth 3:20

der y skentoleth an downvoryow a dardhas yn-mes, ha'n kommolennow a dhinwa gluth.

Yeremia 10:13

Orth son y lev, yma tervans dowrow y'n nevow, hag ev a wra niwlow dhe yskynna a bennow an norvys; ev a wra lughes gans glaw, ha dri yn-rag gwynsow a'y dresorvaow.

Yeremia 14:22

Eus yn mysk idolyow an kenedhlow nebonan a yll gwruthyl glaw? Po a yll an nevow aga honan ri kowasow? A nyns yw ty, A Arloedh agan Duw? Ytho yma agan govenek ynnos, rag ty re wrug oll an traow ma.

Yeremia 5:24

Ny leverons yn aga holonn, ‘Gwren ni perthi own a'n Arloedh agan Duw, neb a re an glaw, ha'n kynsa ha'n diwettha, yn y dermyn: ev a with ragon seythunyow ordenys an drevas.’

Hosea 14:5

My a vydh avel an gluth dhe Ysrael; ev a wra bleujyowa avel an lili, ha dannvon y wreydh yn-nans kepar ha kederwydh Lebanon.

Yoel 2:23

Ytho bedhewgh heudhik, hwi vebyon Sion, ha lowenhewgh y'n Arloedh agas Duw: rag ev re ros dhywgh an glaw a-varr rag ewnder, hag ev re dhros glaw yn-nans ragowgh: glaw a-varr ha glaw diwedhes kepar hag y'n dalleth.

Amos 4:7

Hag ynwedh my a skonyas a ri dhywgh an glaw, ha tri mis hwath gesys kyns an drevas; ha my a wrug glaw dhe goedha war unn sita ha ny wrugavy glaw dhe goedha war sita arall; war unn park glaw a goedh, ha'n park na gavas glaw a wedhras;

Matthew 5:45

may hallowgh hwi bos mebyon agas Tas eus y'n nevow, rag ev a wra dh'y howl drehevel keffrys war an re dhrog ha'n re dha, hag a dhannvon an glaw war an re ewnhynsek ha'n re gammhynsek.

Dewteronomi 33:13

Rag Yosep, y leveris: Bennigys gans an Arloedh yw y bow, gans gluth drudh an ebron, ha gans an downderyow ow krowedha a-woeles;

Dewteronomi 33:28

Ysrael a drig yn sawder; y honan oll yw fenten Yakob, yn tir a ys ha gwin nowydh, y nevow ynwedh a dhever gluth.