Job 38:15 - An Bibel Kernewek 20234 (Kernewek Kemmyn)

¹⁵ Skonys yw an golow dhiworth an dhrogoberoryon, ha terrys yw aga bregh dhrehevys.

Job 38:15 ပူးပေါင်းရင်းမြစ်များ

Salmow 10:15

Torr bregh an tebelwas ha'n drogoberer; hwither y sherewneth ma na vo kevys namoy.

Salmow 37:17

Rag breghow an debeles a vydh terrys, mes an Arloedh a venten an re wiryon.

Job 18:5

‘Dar, golow an drogoberer yw difeudhys, ha ny splann flamm y dan.

Lavarow Koth 4:19

Fordh an debeles yw haval dhe dewlder down; ny wodhons an pyth may trebuchons warnodho.

Ezekiel 30:22

Rakhenna yndellma y lever an Arloedh Duw: Awottavy erbynn Faro, myghtern Ejyp. My a derr y breghow krev, an bregh krev ha'n bregh terrys, ha gul dhe'n kledha koedha dhiworth y leuv.

Job 18:18

Ev yw herdhys dhiworth an golow a-berth y'n tewlder, ha helghys yn-mes a'n bys.

Job 5:14

I a vet orth tewlder dydhweyth, ha palvala y'n hanter-dydh kepar hag y'n nos.

Yeremia 13:16

Rewgh gordhyans dhe'n Arloedh agas Duw, kyns ev dhe dhri tewolgow, ha kyns agas treys dhe drebuchya aga desedha war an menydhyow tewl; ha pan esowgh ow hwilas golow, ev a'n treyl dhe skeus ankow, ha'y wul tewolgow down.

2 Myghternedh 6:18

Ha pan dheuth Aram er y bynn, Elisha a bysis an Arloedh ha leverel, ‘Gwask an bobel ma, my a'th pys, gans dellni.’ Hag ev a's gweskis gans dellni, herwydh ger Elisha.

Niverow 15:30

Mes an den neb a wra neppyth, ughel y dhorn, kyn fo genesik po alyon, a villik an Arloedh; ha'n den na a vydh treghys dhe-ves dhiworth y bobel.

Job 5:15

Mes ev a saw an edhommek dhiworth kledha aga ganow ha dhiworth leuv an re alloesek.

Job 31:22

ena re goettho ow bregh dhiworth ow skoedh, ha re bo terrys orth an mell.

Job 38:14

Chanjys yw kepar ha pri yn-dann sel, ha liwys yw kepar ha dillas.

Job 24:13

‘Yma tus a rebell erbynn an golow, tus na aswonn y fordhow, na pesya war y hynsyow.