Job 37:6 - An Bibel Kernewek 20234 (Kernewek Kemmyn)

⁶ Rag dhe'n ergh ev a lever, “Koedh war an dor”; ha dhe gowas a law, “Bydh krev”.

Job 37:6 ပူးပေါင်းရင်းမြစ်များ

Ezra 10:13

Mes yma meur a bobel, ha termyn a law yw, ma na yllyn ni sevel a-ves; ynwedh nyns yw hemma ober dhe unn jydh po dhew: rag lies ahanan re gammdremenas y'n mater ma.

Ezra 10:9

Oll gwer Yuda ha Benyamin a omguntellas yn Yerusalem a-ji dhe dri dydh. An nawves mis o, ugensves dydh an mis. Oll an bobel a esedhas y'n plen a-rag chi Duw, ow krena drefenn an mater ma, ha drefenn an glaw meur.

Job 28:26

pan wrug ev ordenans rag an glaw, ha hyns rag an taran ha'n lughes;

Job 36:27

Ev a denn war-vann an dagrennow a dhowr ha sidhla glaw dhiworth an niwl;

Job 38:22

‘A entersys yn gwithvaow an ergh, po gweles gwithvaow an keser

Job 5:10

Ev a re glaw war an norvys ha dannvon dowrow war an gwelyow;

Salmow 148:8

tan ha keser, ergh ha niwlrew; gwyns hag annawel ow kewera y er;

Lavarow Koth 28:3

Gour boghosek hag a arwask an voghosogyon yw avel glaw tynn na as trevas.

Ezekiel 13:11

lavar ytho dhe'n re a's gwynngalgh, y fydh hi ow koedha. Glaw a liv yn-nans, ha keserennow a goedh, hag annawel a dardh.

Ezekiel 13:13

Rakhenna yndellma y lever an Arloedh Duw: My a wra dhe annawel hy folsa y'm sorr, ha glaw a liv yn-nans y'm konnar, hag y fydh keserennow yn sorrvann dh'y distrui.

Amos 9:6

ev a dhrehav y'n nevow y jambouryow ughel ha fondya y nen a-ugh an nor; ev a elow dowrow an mor, ha'ga dinewi war enep an nor – an Arloedh yw y hanow.