Job 37:23 - An Bibel Kernewek 20234 (Kernewek Kemmyn)

²³ An Ollgalloesek – ny yllyn y gavoes; meur yw y nerth, ha'y vreus, hag yn y wirvreus ha'y ewnder bras ny arwask ev.

Job 37:23 ပူးပေါင်းရင်းမြစ်များ

Job 11:7

‘A yllydh hwithra an taklow down a Dhuw? A yllydh diskudha finweth an Ollgalloesek?

Job 11:8

Ughella yw ages nev – pandr'a yllydh y wul? Downa ages ifarn – pandr'a yllydh y wodhvos?

Job 12:13

‘Yma furneth ha galloes gans Duw, yma dhodho kusul ha konvedhes.

Job 25:2

‘Yma mestrynses hag agha dhe Dhuw; ev a wra kres yn y ughelderyow.

Job 26:14

Ha nyns yw an re ma marnas emlow y fordhow; hag ass yw isel an hwystrenn a glewyn anodho! Piw a yll konvedhes taran y nerth?’

Job 36:26

Ass yw Duw meur, dres agan konvedhes! Anhwiladow yw niver y vlydhynyow.

Job 36:3

My a dhre ow godhvos dhiworth pell, ha my a askrif gwiryonedh dhe'm Gwrier.

Job 36:5

‘Galloesek yw Duw ha nyns yw denvyth kasadow dhodho; ha meur yw yn nerth a gonvedhes.

Job 37:19

‘Dysk dhyn an pyth a wren ni leverel dhodho; ny yllyn restra agan ken drefenn an tewlder.

Job 37:22

Dhiworth an gogledh y teu splannder owrek; war Dhuw yma meuredh euthyk.

Job 8:3

A gammdreyl Duw gwirvreus? Po a gammdreyl an Ollgalloesek an gwir?

Job 9:19

Mars yw mater a grevder, mir ha galloesek yw ev! Mars yw mater a wirvreus, piw a yll settya termyn rag ow goslowva?

Job 9:4

Fur yw ev y'n golonn, ha galloesek yn nerth. Piw re settyas y honan er y bynn ha seweni?

Salmow 145:3

Meur yw an Arloedh hag ev a dal bos gormelys yn fras, ha ny yllir hwithra y veuredh.

Salmow 30:5

Rag ny dhur y sorr saw pols byghan; yn y ras yma bewnans. Oelva a dhur dres an nos, mes lowena a dheu y'n myttin.

Salmow 62:11

Unnweyth re gewsis Duw, my re glewas hemma diwweyth: bos galloes dhe Dhuw.

Salmow 62:12

Ha dhiso jy, A Arloedh, yma tregeredh; rag ty a attal dhe bub huni herwydh y oberow.

Salmow 65:6

Der y nerth y hwra ev fastya an menydhyow; yma grogys a alloes a-dro dhodho.

Salmow 66:3

Leverewgh dhe Dhuw, ‘Ass osta euthyk y'th wriansow! Dre vraster dha nerth yth ombleg dha eskerens dhiso jy.

Salmow 93:1

An Arloedh yw Myghtern, ev re omwiskas yn splannder; an Arloedh re omwiskas hag yma grogys a nerth a-dro dhodho. An norvys devri yw fastys, ma na yllir y dhisevel.

Salmow 99:4

An Galloesek yw Myghtern hag a gar gwirvreus; ty re fastyas ewnhynseth, ty re wrug gwirvreus hag ewnder yn Yakob.

Ekklesiastes 3:11

Duw re wrug pup-tra dhe vos teg yn y brys gwiw, mes ynwedh ev re worras konvedhes yn kolonn mebyon den a dermyn ow tremena trank heb worfenn, ma na allons i diskudha an ober a wrug Duw a-dhiworth an dalleth bys yn diwedh aga bewnans.

Ekklesiastes 7:24

An pyth a vo pell, ha down, pur dhown – piw a yll y gonvedhes?

Ysay 45:21

Dyllewgh ha profyewgh agas ken; omgusulyens i war-barth. Piw a dharleveris hemma nans yw pell? Piw a'n dhellos seuladhydh? A nyns o my, an Arloedh? Nyns eus Duw a-der my, Duw gwiryon ha Selwador, nyns eus nagonan a-der my.

Ysay 63:9

yn oll aga anken. Nyns o kannas nag el mes y lok ev a's sawyas. Yn y gerensa hag yn y druedh ev a's dasprenas; ev a's drehevis ha'ga doen oll an dydhyow koth.

Ezekiel 18:23

Eus delit dhymm yn mernans tebelwas? yn-medh an Arloedh Duw; a nyns eus moy delit dhymm pan dreyl dhiworth y fordhow ha bewa?

Ezekiel 18:32

Rag nyns ov hwansek dhe vernans den marow, yn-medh an Arloedh Duw; ytho treylyewgh ha bewewgh.

Ezekiel 33:11

Lavar dhedha, Dell vewav, yn-medh an Arloedh Duw, nyns eus dhymm plesour yn mernans an tebelwas, mes may treyllyo tebelwas dhiworth y fordh ha bewa. Treylyewgh! Treylyewgh dhiworth agas drog fordhow; prag y ferwowgh, chi Ysrael?

Matthew 6:13

Ha na wra agan dri yn temptasyon, mes delirv ni dhiworth drog.

Luk 10:22

Pup-tra re beu kemmynnys dhymm gans ow Thas, ha denvyth ny aswonn piw yw an Mab marnas an Tas, ha piw yw an Tas marnas an Mab, hag ev neb may fynn an Mab y dhiskwedhes dhodho.’

Romanyon 11:33

O, downder rychys Duw ha'y furneth ha'y wodhvos! Ass yw y vreus dres konvedhes, ha dres hwithra y fordhow!

1 Timothi 6:16

neb yn unnsel yw anvarwel, neb a drig yn golow na yllir dos nes dhodho; neb na wrug denvyth y weles na ny yll denvyth y weles. Dhodho ev re bo enor ha galloes bys vykken. Amen.

Ebrowyon 12:10

Rag i a'gan kessydhyas rag nebes dydhyow herwydh aga bodh, mes ev a'gan kessydh dh'agan les may kevrennyn yn y sansoleth.