Job 37:22 - An Bibel Kernewek 20234 (Kernewek Kemmyn)

²² Dhiworth an gogledh y teu splannder owrek; war Dhuw yma meuredh euthyk.

Job 37:22 ပူးပေါင်းရင်းမြစ်များ

1 Kroniklys 29:11

Dhiso jy, A Arloedh, yw an braster, ha'n nerth, ha'n glori ha'n splannder, rag dhiso jy yw pup-tra yn nev ha nor. Dhiso jy, A Arloedh, yw an myghternsys, hag ughelhes os avel penn dres pup-tra.

Job 37:21

Ha lemmyn ny yll tus mires orth an golow pan usi ow splanna y'n nevow, wosa an gwyns dhe dremena ha'ga glanhe.

Job 37:23

An Ollgalloesek – ny yllyn y gavoes; meur yw y nerth, ha'y vreus, hag yn y wirvreus ha'y ewnder bras ny arwask ev.

Job 40:10

‘Omdekha yn glori ha splannder; omwisk yn enor ha meuredh.

Salmow 104:1

Bennik an Arloedh, ow enev. A Arloedh ow Duw, pur veur osta. Gwiskys osta yn enor ha splannder,

Salmow 145:5

My a breder a splannder gloryus dha veuredh, ha'th oberow marthys.

Salmow 29:4

Lev an Arloedh yw galloesek, lev an Arloedh yw leun a splannder.

Salmow 66:5

Dewgh, ha gwelewgh gwriansow Duw; euthyk yw ev yn y weythres orth mebyon den.

Salmow 68:35

A Dhuw, euthyk osta y'th tylleryow sans, Duw Ysrael; neb a re nerth ha galloes dh'y bobel. Benniges re bo Duw.

Salmow 76:12

Ev a fronn an spyrys a bennsevigyon; euthyk yw ev orth myghternedh an nor.

Salmow 89:8

A Arloedh, Duw an luyow, piw yw galloesek avelos jy, A Arloedh? Yma dha lelder a-dro dhis.

Salmow 93:1

An Arloedh yw Myghtern, ev re omwiskas yn splannder; an Arloedh re omwiskas hag yma grogys a nerth a-dro dhodho. An norvys devri yw fastys, ma na yllir y dhisevel.

Lavarow Koth 25:23

Gwyns an gledhbarth a dhre glaw, ha taves spitus a dhre semlans serrys.

Ysay 2:10

Deus y'n garrek, omgel y'n doust dhiworth fas euth an Arloedh ha splannder y veuredh!

Ysay 2:19

I a dheu yn fowys y'n kerrek, hag yn pansow y'n dor, dhiworth fas euth an Arloedh ha splannder y veuredh, pan sev dhe ownekhe an norvys.

Mika 5:4

Hag ev a sev, ha bugelya yn nerth an Arloedh, yn braster hanow an Arloedh y Dhuw. Hag i a drig yn sawder, rag lemmyn ev a vydh meur bys yn finweth an norvys.

Nahum 1:3

An Arloedh yw lent ow serri, ha meur y nerth, ha'n Arloedh ny gas mann an debeles heb kessydhyans. Yma y fordh y'n korwyns hag y'n annawel, ha'n kommol yw doust y dreys.

Ebrowyon 1:3

neb yw dewynnyans golewder Duw ha gwir imaj y substans, ow mentena traow oll der an ger a'y nerth. Pan wrussa glanheans peghosow, ev a esedhas orth leuv dhyghow an Meuredh y'n tylleryow ughel,

Ebrowyon 12:29

rag agan Duw yw tan a gowllesk.

Lyther Yud 1:25

dhe'n unn Duw agan Selwyas, dre Yesu Krist agan Arloedh, dhodho re bo gordhyans, meuredh, mestrynses, ha galloes kyns pub oes ha lemmyn ha bys vynnari. Amen.