Job 36:7 - An Bibel Kernewek 20234 (Kernewek Kemmyn)

⁷ Ny gemmer y dhewlagas dhiworth an den gwiryon, mes kepar ha myghternedh ev a's sett war dronyow ha'ga ughelhe bys vykken.

Job 36:7 ပူးပေါင်းရင်းမြစ်များ

Jenesis 23:6

‘Goslow orthyn, ow arloedh; pryns Duw osta yn agan mysk. Ynkleudh an korf y'th tewis a'gan ynkleudhvaow. Denvyth ahanan ny vynn nagha dhis y ynkleudhva dhe ynkleudhyas an korf.’

Jenesis 41:40

Ty a vydh apoyntys war ow chi, hag oll ow fobel a vydh gostydh dhe'th worhemmynn. Y'n tron yn unnsel, my a vydh brassa agesos jy.’

2 Kroniklys 16:9

Rag dewlagas an Arloedh a wander dres oll an norvys rag krevhe an re hag yth yw aga holonn lel dhodho. Ty re wrug tra foll y'n dra ma; rag alemma rag ty a' fydh breselyow.’

Ester 10:3

Rag y feu Mordekay an Yedhow nessa wosa myghtern Ahasuerus, ha bras yn mysk an Yedhewon, ha meurgerys gans y vreder pals; ow hwilas les y bobel, hag ow kewsel kres dhe oll y has.

Job 1:3

Ev a'n jevo seyth mil dhavas, tri mil gowrvargh, pymp kans kopel a oghen, ha pymp kans asen benow ha palster a servysi, mayth o an gour ma an brassa yn mysk oll tus an Est.

Job 22:29

Pan vo tus iselhes ty a lever yth yw drefenn goeth, mes Duw a saw an den uvel y dhewlagas.

Job 31:4

A ny wel ev ow fordhow, ha nivera ow hammow oll?

Job 4:7

‘Preder lemmyn, piw hag o ankablus a verwis bythkweth? Po ple feu an dus ewnhynsek treghys dhe-ves?

Job 42:12

An Arloedh a vennigas an rann dhiwedhes a vewnans Job moy ages an kynsa. Yth esa dhodho peswardhek mil dhavas, hwegh mil gowrvargh, mil yew a oghen, ha mil asen.

Job 5:11

ev a sett an re uvel war-vann, ha'n re a gyn yw drehevys dhe sawder.

Salmow 33:16

Nyns eus myghtern a allo bos selwys gans lu meur; nyns yw breselyas krev delivrys gans galloes meur.

Salmow 33:18

Otta, yma lagas an Arloedh war an re a berth own anodho, war an re a drest yn y dregeredh;

Salmow 34:15

Yma dewlagas an Arloedh war an re wiryon, ha'y dhiwskovarn troha'ga kri.

Salmow 34:16

Yma fas an Arloedh erbynn an re a wra drog, dhe gisya aga hovadh dhiworth an norvys.

Salmow 41:12

Ha my, ty a'm menten heb namm, ha'm gorra a-dheragos bynitha.

Ysay 22:23

My a wra y gentra avel ebil yn tyller sur, hag ev a vydh tron a glori rag chi y das.

Sefania 3:17

An Arloedh, dha Dhuw a-berth ynnos, galloesek yw, ev a saw; fest heudhik yw warnas gans lowena; ev a vydh tawesek yn y gerensa, ev a lowenha warnas gans kana,

2 Thessalonianys 3:3

Mes lel yw an Arloedh a wra agas nertha ha'gas gwitha rag an tebel el.

1 Peder 3:12

rag bos dewlagas an Arloedh war an re wiryon, hag igor yw y dhiwskovarn dh'aga fysadow, mes fas an Arloedh yw settys erbynn an re a wra drog.’

1 Samuel 2:8

Ev a dhrehav an den gwann yn-mes a'n doust; ev a dhrehav an boghosek yn-mes a'n lusuek, dh'aga settya gans pennsevigyon, ha gul dhedha erita tron a enor. Rag yma selyow an norvys dhe'n Arloedh, hag ev re settyas an norvys warnedha.