Job 35:5 - An Bibel Kernewek 20234 (Kernewek Kemmyn)

⁵ Mir war-vann orth an nevow ha gwel; aspi orth an kommol yw ughella agesos.

Job 35:5 ပူးပေါင်းရင်းမြစ်များ

Jenesis 15:5

Hag ev a'n dros mes a-ji ha leverel, ‘Mir lemmyn troha'n nev ha reken niver an ster, mar kyllydh aga nivera.’ Hag yn-medh ev dhodho, ‘Yndella y fydh dha has.’

1 Myghternedh 8:27

‘Mes a wra Duw triga yn hwir war an dor? Hwath ny yll nev ha nev an nevow dha synsi, myns le an chi ma re dhrehevis!

Job 11:7

‘A yllydh hwithra an taklow down a Dhuw? A yllydh diskudha finweth an Ollgalloesek?

Job 11:8

Ughella yw ages nev – pandr'a yllydh y wul? Downa ages ifarn – pandr'a yllydh y wodhvos?

Job 22:12

‘Yma Duw yn ughelder nev, hag ev a vir yn-nans war an ughella ster, mar ughel dell yns.

Job 35:4

my a worthyp dhis ha dhe'th kowetha usi genes.

Job 36:26

Ass yw Duw meur, dres agan konvedhes! Anhwiladow yw niver y vlydhynyow.

Job 37:16

A wodhes fatell neuvell an kommol, oberow marthys anodho ev neb yw perfydh y wodhvos,

Ysay 55:8

Rag nyns yw ow frederow vy dha brederow jy, na nyns yw dha fordhow jy, ow fordhow vy, yn-medh an Arloedh.

Ysay 55:9

Rag par dell yw an nevow ughella ages an norvys, yndella yth yw ow fordhow vy ughella ages agas fordhow hwi, ha'm prederow vy ages agas prederow hwi.

Nahum 1:3

An Arloedh yw lent ow serri, ha meur y nerth, ha'n Arloedh ny gas mann an debeles heb kessydhyans. Yma y fordh y'n korwyns hag y'n annawel, ha'n kommol yw doust y dreys.

1 Samuel 16:7

Mes yn-medh an Arloedh dhe Samuel, ‘Na vir war naneyl y semlans na hirder y gorf, drefenn my dh'y skonya; rag ny wra an Arloedh gweles kepar dell wel mab-den; rag mab-den a vir war an semlans, mes an Arloedh a vir war an golonn.’