Job 33:9 - An Bibel Kernewek 20234 (Kernewek Kemmyn)

⁹ “Pur ov, heb treuspass; glan ov, ha heb anewnder.

Job 33:9 ပူးပေါင်းရင်းမြစ်များ

Job 10:14

Mar peghav, ty a'm merk, ha ny'm assoylydh a'm kammweyth.

Job 10:7

kyn hwodhes nag ov kablus, ha nyns eus denvyth dhe dhelivra yn-mes a'th leuv?

Job 11:4

Rag ty a lever, “Pur yw ow dyskas, ha glan ov yn dewlagas Duw.”

Job 13:18

Otta, my re bareusis ow has; my a woer y fydhav justifiys.

Job 13:23

Py lies yw ow hammweythresow ha'm peghosow? Gwra dhymm godhvos ow threuspass ha'm pegh.

Job 14:17

Selys yn sagh yw ow threuspass, ha ty a gudh ow hammweythres.

Job 16:17

nyns eus freudh yn ow diwleuv, ha pur yw ow fysadow.

Job 17:8

An re ewnhynsek a skruth gans hemma, ha'n den divlam yw yntanys erbynn an den didhuw.

Job 17:9

An den gwiryon a bes war y fordh, ha'n den glan y dhiwleuv yw krevhes moy ha moy.

Job 23:10

Mes ev a aswonn ow fordh vy; mara'm proffa, gylsen vy yn-mes kepar hag owr.

Job 29:14

My a omwiska yn gwirvreus hag ev a'm gwiska; ow gwirvreus o avel pows ha tulyfant.

Job 32:1

Ytho an tri gour ma a astelas gorthybi, drefenn y vos gwiryon yn y dhewlagas y honan.

Job 33:8

‘Yn sur, ty re gewsis y'm diwskovarn, my re glewas son an geryow –

Job 34:5

‘Job re leveris, “Ankablus ov, mes Duw re gemmeras dhe-ves ow gwirvreus;

Job 34:6

kynth ov ewn, breusys ov avel gowek; ny yll ow goli bos yaghhes, kynth ov heb kammweyth.”

Job 35:2

‘A brederydh bos hemma ewn? Ty a lever, “Ankablus ov a-dherag Duw.”

Job 7:21

Prag na evydh ow threuspass ha kemmeres dhe-ves ow hammweyth? Rag lemmyn my a wrowedh y'n doust; ty a'm hwila mes ny vydhav ena.’

Job 9:17

Rag ev a'm skwatt gans tewedh, ha lieshe ow goliow heb acheson.

Job 9:21

Kynth ov divlam, ny wrav vri a'm honan; my a nagh ow bewnans.

Job 9:23

Pan wra an skorja ladha a-dhistowgh, ev a skorn desper an re wiryon.

Job 9:28

my a berth own a'm duwon oll, rag my a woer na wredh ow synsi ankablus.

Yeremia 2:35

ty a lever, ‘Ankablus ov; yn sur y sorr a wra treylya a-dhiworthiv.’ Otta, my a wra dha vreusi, drefenn ty dhe leverel, ‘Ny beghis.’