Job 33:23 - An Bibel Kernewek 20234 (Kernewek Kemmyn)

²³ Mars eus el rybdho, medhador, onan yn mysk mil, rag disklerya dhe dhen an pyth yw ewn ragdho,

Job 33:23 ပူးပေါင်းရင်းမြစ်များ

Malaki 3:1

Otta, my a dhannvon ow hannas, hag ev a wra pareusi an fordh a-ragov! Ha'n Arloedh a hwilowgh a dheu a-dhesempis dh'y dempel; ha kannas an kevambos, a hwensowgh, otta, ev a wra dos, yn-medh Arloedh an luyow.

2 Korinthianys 5:20

Rakhenna, a-barth Krist kannasow on ni, kepar dell vo Duw ow pledya dredhon. Ni a'gas pys, a-barth Krist, bedhewgh unnverhes gans Duw.

Ekklesiastes 7:28

Re beu ow enev orth y hwilas, ha ny'n kevis vy. Unn den yn mysk mil re gevis, mes benyn y'n oll an re ma ny gevis mann.

Malaki 2:7

Rag y koedh dhe dhiwweus an oferyas gwitha skians, hag y tal dhe dus hwilas dyskans a'y anow, drefenn y vos kannas Arloedh an luyow.

Haggay 1:13

Ena Haggay, kannas an Arloedh, a dherivas messaj an Arloedh dhe'n bobel, ow leverel: Yth esov genowgh yn-medh an Arloedh.

Daniel 9:14

Yndella an Arloedh a woelyas, ow hwilas chons dhe dhri an droglamm warnan; rag gwiryon yw an Arloedh agan Duw yn y weythresow oll, ha ny woslowsyn orth y lev.

Kynvannow 3:32

Kyn hwra grev, byttegyns ev a gemmer truedh herwydh braster y dregeredh;

Salmow 119:75

My a woer, A Arloedh, dha vreusow dhe vos gwiryon, hag yn lenduri ty dhe'm trobla.

Salmow 94:12

Gwynnvys an gour a geredhydh, A Arloedh, ha dyski dhodho yn-mes a'th lagha,

Job 37:23

An Ollgalloesek – ny yllyn y gavoes; meur yw y nerth, ha'y vreus, hag yn y wirvreus ha'y ewnder bras ny arwask ev.

Job 36:3

My a dhre ow godhvos dhiworth pell, ha my a askrif gwiryonedh dhe'm Gwrier.

Job 35:14

Pyseul dhe le, ytho, y hwoslow pan leverydh na yllydh y weles, bos an ken dheragdho ha ty dhe vos orth y wortos.

Job 34:32

dysk dhymm an pyth na welav; mar kammwrug vy, ny'n gwrav namoy.”

Job 34:12

Yn gwiryonedh ny wra Duw travyth yn trog, ha ny wra an Ollgalloesek kammdreylya gwirvreus.

Job 34:10

‘Rakhenna goslowewgh orthiv, hwi wer a gonvedhes, pell bedhes dhiworth Duw ev dhe wul drog, dhiworth an Ollgalloesek ev dhe wul kamm.

Job 11:6

ha diskwedhes dhis an kevrinyow a furneth! Rag liesplek yw y dhoethter! Godhvydh ytho Duw dhe jalenjya ahanas le ages dell dhervynn dha gammweyth.

Job 9:3

Mar mynnir dadhla ganso, ev a yll govynn mil wovynn, na allsa denvyth gorthybi dhedha.

Nehemia 9:33

Hwath ty re beu gwiryon yn pup-tra re dheuth warnan, rag ty dhe dhyghtya yn lel genen ha ni re beghas.

Breusysi 2:1

Lemmyn el an Arloedh eth yn-bann dhiworth Gilgal dhe Bokim, ha leverel, ‘My a'gas dros yn-mes a Ejyp, ha'gas dri a-berth y'n tir a des vy y ri dh'agas tasow. My a leveris, “Byth ny dorrav ow hevambos genowgh,

Romanyon 11:13

Mes dhywgh hwi y lavarav, A genedhlow, seul gemmys ytho dell ov abostol dhe'n kenedhlow, y feurhav ow gonis

Oberow 8:30

Ha Felip a boenyas dhodho, ha'y glewes ow redya Ysay an Profoes, hag yn-medh ev, ‘A gonvedhydhta, ytho, an pyth a redydh?’

Jenesis 40:8

Yn-medhons dhodho. ‘Ni re hunrosas hunros, ha nyns eus denvyth dh'y styrya.’ Yn-medh Yosep dhedha, ‘A nyns eus styryansow dhe Dhuw? Derivewgh e dhymm, my a'gas pys.’

Ysay 59:16

Ev a welas na veu denvyth, hag ev a'n jevo marth na veu denvyth dhe vos mayn; rakhenna y vregh a wrug selwyans ragdho, ha'y ewnder a'n sostenas.

Job 9:33

Unnweyth a pe breusyas yntredhon, neb a alla settya y leuv warnan agan dew!