Job 31:23 - An Bibel Kernewek 20234 (Kernewek Kemmyn)

²³ Rag yth esa euth dhymm a derroes dhiworth Duw, ha drefenn y ryelder ny yllyn gul henna.

Job 31:23 ပူးပေါင်းရင်းမြစ်များ

Jenesis 39:9

Nyns eus denvyth brassa agesov vy y'n chi ma. Ny wrug ev gwitha travyth dhiworthiv marnas ty, drefenn ty dhe vos y wreg. Fatell wrav vy an drogober bras ma, ha pegha erbynn Duw?’

Nehemia 5:15

Mes an governours kyns, re bia kyns ow thermyn vy, a settsa beghyow poes war an bobel ha kemmeres dhiworta dew-ugens shekel a arghans war-barth gans boes ha gwin. Aga servysi ynwedh a lordya war an bobel. Mes ny wrug vy yndella rag own Duw.

Job 13:11

A ny wra y veuredh agas broweghi, ha'n agha anodho koedha warnowgh?

Job 20:23

Wosa ev dhe lenwel y dorr Duw a dhannvon y sorr fers warnodho, ha gul dhodho koedha warnodho avel glaw, hag ev ow tybri.

Job 21:20

Re wello aga dewlagas aga distruyans, ha re effons sorr an Ollgalloesek.

Job 30:15

Browaghow yw treylys warnav; ow dynita yw chasyes dhe-ves kepar ha gans an gwyns, ha'm govenek a selwyans a dremen kepar ha kommolenn.

Job 31:3

A nyns yw anfeusi rag an dhrogoberer, terroes rag an re a wra droktra?

Job 40:9

Eus bregh dhis kepar ha bregh Duw, a yll dha lev tarenna kepar ha'y lev ev?

Salmow 119:120

Ow hig a gren rag own ahanas, ha my a berth own a'th vreusow.

Salmow 76:7

Ty, ty yw euthyk; ha piw a sev a-dheragos pan osta serrys?

Salmow 88:15

Truan veuv ha parys dhe verwel dhiworth ow yowynkneth; my re borthas own ahanas, hag yn desper ov vy.

Ysay 13:6

Oulyewgh, rag ogas yw dydh an Arloedh; kepar ha terroes dhiworth an Ollgalloesek.

Yoel 1:15

Ellas rag an jydh! rag ogas yw dydh an Arloedh, hag avel terroes dhiworth an Ollgalloesek y teu.

2 Korinthianys 5:11

Ytho, ha ni ow kodhvos own an Arloedh, ni a berswad tus dhe grysi, hag aswonnys yn ta on ni gans Duw; hag yma govenek dhymm agan bos aswonnys yn agas kowses hwi ynwedh.