Job 31:15 - An Bibel Kernewek 20234 (Kernewek Kemmyn)

¹⁵ A ny wrug ev neb a'm gwrug vy y'n dorr, aga gul i ynwedh? Hag a ny wrug an keth Duw agan formya y'n brys?

Job 31:15 ပူးပေါင်းရင်းမြစ်များ

Nehemia 5:5

Byttegyns lemmyn kepar hag yw kig agan breder, yndella yw agan kig ni; kepar ha'ga mebyon i, yndella yw agan mebyon ni; otta, yth eson ow konstryna agan mebyon ha'gan myrghes yn kethneth ha rann a'gan myrghes re beu kethhes seulabrys, mes dialloes on dh'aga dasprena drefenn tus erell dhe gavoes agan gwelyow ha'gan gwinlannow.’

Job 10:3

A hevel bos da dhis arwaska, kasa ober dha dhiwleuv ha splanna war dowlow tebelwesyon?

Job 31:14

pandr'a wrav pan wra Duw sevel yn-bann? pandr'a worthybav pan y'm hwither?

Job 34:19

neb na dhiskwa faverans dhe bennsevigyon, ha na faver an wolusogyon moy es an voghosogyon, drefenn i oll dhe vos ober y leuv?

Job 4:17

“A yll mab-den bos moy gwiryon es Duw? A yll gour bos purra es y Wrier?

Salmow 119:73

Dha dhiwleuv re'm gwrug ha'm formya; gwra dhymm konvedhes, may tyskiv dha worhemmynnow.

Lavarow Koth 14:31

Neb a arwask den boghosek a arvedh y Wrier, mes neb yw kuv dhe'n voghosogyon a'n enor.

Lavarow Koth 22:2

Yma unn dra kevrennys keffrys gans an den rych ha'n den boghosek: an Arloedh yw Gwrier aga dew.

Ysay 58:7

A nyns yw ranna dha vara gans an den nownek, ha dri boghosogyon dhiannedh y'th chi; pan welydh den noeth, y gwetha, ha ma na omgudhydh dhiworth dha gig dha honan?

Malaki 2:10

A ny'gan beus, ni oll, unn Tas? A ny'gan gwrug unn Duw? Prag y hwren ni toella an eyl y gila, ow tisakra kevambos agan tasow?