Job 30:16 - An Bibel Kernewek 20234 (Kernewek Kemmyn)

¹⁶ ‘Ha lemmyn ow enev a dhever dhe-ves; dydhyow a alar re'm synsis.

Job 30:16 ပူးပေါင်းရင်းမြစ်များ

Job 3:24

Rag ow hanasow a dheu yn le ow bara, ha diverys yw ow hynvannow kepar ha dowr.

Salmow 22:14

Skoellys ov vy avel dowr, ha'm eskern oll yw diskevelsys, ow holonn yw kepar ha koer; teudhys yw yn mysk ow holodhyon.

Salmow 22:15

Ow nerth yw desyghys avel darn a briweyth, ha'm taves a len orth ow grudh; ha ty a'm gorr yn doust ankow.

Salmow 40:12

Rag ankenyow diniver re dheuth a-dro dhymm; ow hammweythresow re'm dalghennas ma na allav mires yn-bann; moy aga niver yns i ages blewennow ow fenn, ha'm kolonn a fyll dhymm.

Salmow 42:4

My a berth kov a hemma, ow skoellya ow enev a-bervedh ynnov; fatell gerdhyn vy gans an routh orth aga hembronk dhe ji Duw; gans lev a lowena ha grasyans, yn mysk routh ow synsi goel.

Ysay 53:12

Rakhenna my a re dhodho rann gans an tus vras, ha gans an tus alloesek ev a rann an preydh; rag ev a dhinewis y vewnans bys ankow, ha reknys veu yn mysk an dhrogoberoryon. Ev a dhug peghes tus pals, hag a bledyas a-barth an dhrogoberoryon.

Kynvannow 2:12

I a gri dh'aga mammow, ‘Ple'ma ys ha gwin?’ hag i ow klamdera kepar ha tus woliys yn plenys an sita, ha'ga enev skoellys yn askra aga mammow.

1 Samuel 1:15

Mes Hanna a worthybis ha leverel, ‘Nansi, ow arloedh, benyn gans spyrys ahwerek ov; ny evis vy na gwin na korev, mes my re beu ow tiveri ow enev yn-mes a-dherag an Arloedh.