Job 3:5 - An Bibel Kernewek 20234 (Kernewek Kemmyn)

⁵ Perghennes e tewolgow ha tewlder down. Triges kommol warnodho; gwres euth dhodho duder an jydh.

Job 3:5 ပူးပေါင်းရင်းမြစ်များ

Job 16:16

Rudhys yw ow fas drefenn oela, hag yma tewlder down war groghen ow dewlagas,

Job 24:17

Rag tewlder down yw myttin dhedha i oll; kowetha yns dhe vrowaghow tewlder down.

Job 28:3

Den a re diwedh dhe'n tewlder, ha hwilas moen y'n pella bounds yn duder ha tewlder down.

Job 3:4

Bedhes an jydh na tewlder; na wrello Duw y hwilas a'n ughelder, ha na splannes golow warnodho.

Job 3:6

An nos na – sesyes hi tewlder tew! Na lowenhes yn mysk dydhyow an vlydhen; na dhes a-berth yn niver an misyow.

Job 34:22

Nyns eus tewolgow na tewlder down may hallo drogoberoryon omgudha.

Job 38:17

A veu porthow ankow diskwedhys dhis? A welsys porthow an tewlder down?

Salmow 107:10

Seul a esedh yn tewolgow hag yn skeus ankow, kelmys yn anken ha horn,

Salmow 107:14

Ev a's dros yn-mes a dewolgow ha skeus ankow, hag a dorras aga holmow dhe demmyn.

Salmow 23:4

Ha kyn kerdhav dre nans skeus ankow, ny borthav own a dhrog; rag yth esos genev; dha welenn ha'th lorgh a'm hebaskha.

Salmow 44:19

kyn y'gan brewsys yn tyller owrgeun, ha'gan kudha gans skeus ankow.

Ysay 9:2

An bobel a gerdhi yn tewlder re welas golow meur; an re trigys yn tir skeus ankow – golow re splannas warnedha.

Yeremia 13:16

Rewgh gordhyans dhe'n Arloedh agas Duw, kyns ev dhe dhri tewolgow, ha kyns agas treys dhe drebuchya aga desedha war an menydhyow tewl; ha pan esowgh ow hwilas golow, ev a'n treyl dhe skeus ankow, ha'y wul tewolgow down.

Yeremia 2:6

Ha ny lavarsons, ‘Ple'ma an Arloedh a'gan dros yn-mes a bow Ejyp, a'gan hembronkas der an gwylvos, dre dir a dhifeythtiryow hag a byttow, dre dir a syghor, hag a skeus ankow dre dir ma na dremenas gour, ha le nag eus trigys den?’

Yeremia 4:28

Drefenn henna an nor a wra kyni, ha'n nevow a-ugh a vydh du: rag my re'n leveris, my re'n mynnas, ha ny'm bydh edrek, na ny gildennav a-dhiworto.

Ezekiel 30:3

Rag ogas yw an jydh, ogas yw dydh an Arloedh; y fydh dydh a gommol, prys breus an kenedhlow.

Ezekiel 34:12

Kepar dell wra bugel hwithra y flokk pan usi ev yn mysk y dheves skattrys, yndella my a hwither ow deves vy ha'ga delivra a-dhiworth oll an tylleryow mayth yns skattrys yn dydh a gommol ha tewlder tew.

Yoel 2:2

dydh tewlder ha tewlyjyon, dydh kommol ha tewolgow tew. Dell les an bora war an menydhyow y teu pobel vras ha krev; nyns esa bythkweth aga far, na ny vydh namoy a'y wosa, bys vlydhynyow henedhow ha henedhow.

Amos 5:8

Ev neb a wrug an Pleyades hag Orion ha treylya tewlder down yn myttin, ha tewlhe an jydh yn nos; neb a elow war dhowrow an mor, ha'ga diveri war enep an dor: an Arloedh yw y hanow

Amos 8:10

Treylya a wrav agas goelyow yn kynvann, ha'gas kanow oll yn oelva; my a worr yskar war an dhiwglun oll, ha bloghter war bub penn; my a's gwrav dhe gyni kepar dell ve war-lergh aga unn vab, ha'n gorfenn anodho a vydh kepar ha dydh hwerow.

Matthew 4:16

an bobel esedhys yn tewolgow re welas golow bras, ha war an re esedhys yn tir ha skeus ankow yma golow drehevys yn-bann.’

Luk 1:79

dhe ri golow dhe'n re esedhys yn tewlder hag yn skeus ankow, ha dhe hembronk agan treys yn fordhow kres.’

Dewteronomi 4:11

Hwi a dheuth nes ha sevel yn-dann an menydh, ha'n menydh a loskas gans tan bys yn kolonn an nevow, gans tewlder, kommol, ha tewolgow.

Ebrowyon 12:18

Rag ny nessowgh dhe neppyth a yll bos tochys, tan ow tewi, ha tewlder, ha tewlwolow, ha korwyns,