Job 27:14 - An Bibel Kernewek 20234 (Kernewek Kemmyn)

¹⁴ Mars yw lieshes y fleghes, yth yw rag an kledha; ha dh'y askorr nyns eus lowr dhe dhybri.

Job 27:14 ပူးပေါင်းရင်းမြစ်များ

Ester 5:11

Ha Haman a dherivas orta glori y rychys, ha palster y vebyon, ha'n taklow oll may hwrussa an myghtern dh'y voghhe ha'y avonsya a-ugh an bennsevigyon ha gwesyon an myghtern.

Job 15:22

Ny grys ev y tehwel yn-mes a dewlder, ha destnys yw rag an kledha.

Job 18:19

Ny vydh na agh na linyeth dhodho yn mysk y bobel, na denvyth gesys yn y annedhow.

Job 20:10

Y vebyon a hwila favour tus voghosek, ha'y dhiwleuv a dhaskorr aga golusogneth.

Job 4:11

An lew krev a dhe goll rag fowt a breydh, ha kelyn an lewes yw skattrys.

Salmow 109:10

Bedhes y fleghes gwandrysi ha beggyers; hwilens i alusen ynwedh pell dhiworth aga annedhow shyndys.

Salmow 109:13

Bedhes y linyeth diwreydhys, ha bedhes y hanow defendys dhe-ves y'n henedh a siw.

Luk 23:29

rag otta, an dydhyow a dheu pan leverons, “Gwynnvys an re anvap, ha'n torrow bythkweth na dhineythis, ha'n bronnow na vagas.”

Dewteronomi 28:32

Dha vebyon ha'th vyrghes a vydh res dhe bobel arall; dha dhewlagas a vir gans hireth ragdha oll an jydh, mes ny' fydh nerth y'th leuv.

Dewteronomi 28:41

Ty a dhineyth mebyon ha myrghes, mes ny vydhons dhis, rag yth ons yn kethneth.

1 Samuel 2:5

An re leun re werthas aga lavur rag bara, mes an re nownek ny's teves nown namoy. An anvap re dhineythis seyth, mes hi neb a's teves lies flogh a wedher.