Job 26:7 - An Bibel Kernewek 20234 (Kernewek Kemmyn)

⁷ Ev a ystynn ebron an kledh a-ugh an wagva, hag ev a greg an bys war dravyth.

Job 26:7 ပူးပေါင်းရင်းမြစ်များ

Job 38:6

Pyth esa y selyow sedhys warnodho? po piw a dhesedhas y bennmen –

Job 9:8

Ev y honan a ystynn an nevow, ha stankya war vordonnow an mor.

Salmow 24:2

Rag ev re'n selyas war an moryow, ha'y fastya war an dowrow.

Salmow 89:12

An kledh ha'n dyghow, ty re's formyas; Tabor ha Hermon a gri yn lowen y'th hanow.

Salmow 89:13

Yma dhis bregh alloesek; nerthek yw dha leuv, hag ughel yw dha leuv dhyghow.

Ysay 40:21

A ny wodhowgh? A ny glewsowgh? A ny veu kewsys dhywgh a-dhia'n dhallethva? A ny gonvedhsowgh a-ban veu selys an bys?

Ysay 40:22

Ev a esedh war gylgh an bys, ha'y drigoryon avel kulyoges-reden yth yns; ev a ystynn an nevow avel vayl, hag a's les avel tylda ynno may trigir.

Ysay 40:26

Drehevewgh yn-bann agas dewlagas, ha gwelewgh: piw a wrug an re ma? Ev neb a dheg yn-mes aga lu, orth aga nivera, ha'ga gelwel pubonan orth hanow; der y nerth meur ha'y alloes krev ny fyll onan vyth.

Ysay 42:5

Yndellma y lever Duw, an Arloedh, neb a wrug an nevow ha'ga ystynn, neb a lesas an norvys ha'n pyth a dheu anodho, neb a re anall dhe'n bobel usi warnodho, ha spyrys dhe'n re a gerdh ynno:

Zekaria 12:1

Begh ger an Arloedh a-dro dhe Ysrael. An Arloedh, neb a les an nevow, ha fondya an nor, ha formya spyrys mab-den a-ji dhodho, a lever: