Job 24:1 - An Bibel Kernewek 20234 (Kernewek Kemmyn)

¹ ‘Prag nag yw termynyow rag breus gwithys gans an Ollgalloesek, ha prag na wel y dhydhyow an re a'n aswonn?

Job 24:1 ပူးပေါင်းရင်းမြစ်များ

Jenesis 18:17

Hag yn-medh an Arloedh, ‘A wrav vy keles dhiworth Abraham an pyth a wrav,

Jenesis 7:4

Rag wosa seyth dydh my a wra glaw dhe goedha war an nor dew-ugens dydh ha dew-ugens nos ha pup-tra yn few re wrug vy gwruthyl, y fynnav y dhefendya dhe-ves dhiworth enep an nor.’

Job 15:20

An tebelwas a berth payn dres oll y dhydhyow, ha kreunys yw rag an turant dres oll y vlydhynyow.

Salmow 31:15

Yma ow thermynyow y'th leuv jy; gwra ow delivra dhiworth leuv ow eskerens ha dhiworth ow helghysi.

Salmow 36:10

Ystynn dha dregeredh dhe'n re a'th aswonn, ha'th ewnder dhe'n re ewnhynsek aga holonn

Salmow 9:10

Ha'n re a aswonn dha hanow a drest ynnos, rag ty, A Arloedh, ny forsaksys seul a'th hwila.

Ekklesiastes 3:17

My a leveris y'm kolonn, ‘Duw a vreus ha'n re wiryon ha'n debeles; rag yma termyn gwiw rag pub ober, ha prys breus rag pub gwrians.’

Ysay 2:12

Rag yma dhe Arloedh an luyow dydh erbynn pubonan yw goethus hag ughel, hag erbynn pubonan yw eksaltys, hag i a vydh uvelhes;

Ysay 60:22

An distyr ahanas a vydh avel mil, ha'n byghan avel kenedhel grev. My yw an Arloedh; yn y dermyn, distowgh my a'n gwra.

Yeremia 46:10

Rag hemm yw dydh an Arloedh, Duw an luyow, dydh a dhial, dhe dyli dial war y eskerens. An kledha a dhevor hag a vydh gwalghys, ha medhwys gans aga goes. Rag an Arloedh, Duw an luyow, a'n jeves sakrifis yn tir an gogledh ryb an avon Ewfrates.

Daniel 2:21

Ev a dreyl an prysyow ha'n sesonyow; ev a remov myghternedh ha sevel myghternedh; ev a ro furneth dhe'n re fur, ha godhvos dhe'n re a woer konvedhes.

Obadia 1:15

Rag ogas yw dydh an Arloedh rag oll an kenedhlow. Kepar dell wrussys, yndellma y fydh gwrys dhiso jy; dha attal a dheu war dha benn dha honan.

Sefania 1:7

Taw yn lok an Arloedh Duw: rag ogas yw dydh an Arloedh. Rag an Arloedh re bareusis sakrifis, ev re sanshas y westoryon.

Matthew 24:38

Rag kepar dell esens, y'n dydhyow na kyns an liv, ow tybri hag owth eva, ow temmedhi hag ow ri yn demmedhyans, bys y'n jydh mayth eth Noy a-ji dhe'n gorhel,

Yowann 17:3

Ha hemm yw bewnans heb diwedh: ma'th aswonnons ty, an unn gwir Dhuw, ha Yesu Krist neb re dhannvensys.

Oberow 1:7

Ev a leveris dhedha, ‘Nyns yw dhywgh hwi godhvos na prysyow na sesonyow re settyas an Tas der y awtorita y honan.

Oberow 17:26

hag ev a wrug a unn den pub kenedhel a dus mayth annetthens enep kowal an nor, hag ev a apoyntyas aga oesow destnys hag oryon aga annedhow,

Romanyon 2:5

Mes dre dha golonn gales hag anedrek yth esos ow kreuni konnar ragos dha honan y'n jydh a gonnar may fo diskwedhys ynno breus gwiryon Duw.

1 Thessalonianys 5:1

Mes nyns yw res skrifa dhywgh a vreder, a-dro dhe'n termynyow ha'n sesonyow;

1 Timothi 4:1

An Spyrys a lever yn tiblans re dhe asa an fydh yn termynyow diwettha ha gul vri a fals spyrysyon ha dyskasow dywolow;

1 Timothi 6:15

Hemma, y'n termyn ewn, a wra ev diskwedhes, an unn Pennsevik benniges, Myghtern myghternedh, hag Arloedh arlydhi,

2 Peder 2:3

Ha dre grefni gans fals lavarow hwi a vydh gwrys marchondis gansa. Ragdha i seulabrys nyns yw lent an vreus, ha ny gosk an diswrians.