Job 22:22 - An Bibel Kernewek 20234 (Kernewek Kemmyn)

²² Degemmer dyskans dhiworth y anow, ha gorr y eryow y'th kolonn.

Job 22:22 ပူးပေါင်းရင်းမြစ်များ

2 Kroniklys 33:13

Ev a bysis dhodho, ha Duw a gemmeras y bysadow hag a glewas y bledyans, hag a'n dros arta dhe Yerusalem ha'y dhaskorra dh'y ruvaneth. Ena Manasse a wodhya bos an Arloedh an gwir Dhuw.

Job 23:12

Ny dhiberthis dhiworth gorhemmynnow y dhiwweus; my re dresoryas geryow y anow y'm askra.

Job 6:10

Ow honfort via hemma, lemmel rag joy a wrussen yn payn dibita; rag ny neghis vy geryow an Sans.

Salmow 119:11

Dha lavarow re gudhis y'm kolonn, ma na begghiv er dha bynn.

Lavarow Koth 4:21

Na gas i dhe skapya a'th tewlagas; gwith i a-berth y'th kolonn.

Lavarow Koth 4:4

ev a'm dyski hag a leveri dhymm, ‘Gas dhe'th kolonn synsi fast ow geryow; gwith ow gorhemmynnow, ha bewa.

Yeremia 15:16

Dha eryow a veu kevys, ha my a's dybris: ha'th heryow o lowender dhymm ha heudhder ow holonn: rag dha hanow re beu gelwys warnav, A Arloedh, Duw an luyow.

Ezekiel 3:10

Hag yn-medh ev dhymm: Mab den, oll an geryow a gowsav orthis, kemmer i y'th kolonn, ha'ga klewes gans dha dhiwskovarn.

Matthew 12:35

An den da a dhre taklow da yn-mes a'y dresor da, ha'n drog dhen a dhre droktaklow yn-mes a'y dhroktresor.

Matthew 13:52

Yn-medh ev dhedha, ‘Pub skriba, ytho, a veu dyskys rag gwlaskor nev yw haval dhe diek neb a denn yn-mes a'y withva taklow nowydh ha taklow koth.’

Luk 2:19

Mes yth esa Maria ow kwitha oll an taklow ma, owth ombrederi yn hy holonn.

Luk 2:51

Hag ev eth yn-nans gansa ha dos dhe Nazareth, hag ev o gostydh dhedha. Ha'y vamm a witha oll an lavarow ma yn hy holonn.