Job 20:12 - An Bibel Kernewek 20234 (Kernewek Kemmyn)

¹² ‘Kynth yw drogedh hweg yn y anow, kyn y'n kudh yn-dann y daves,

Job 20:12 ပူးပေါင်းရင်းမြစ်များ

Jenesis 3:6

Ha'n venyn, pan welas bos an wydhenn da rag boes, ha'y bos teg dhe'n dewlagas, ha gwydhenn dhesiradow dhe wul den fur, hi a gemmeras nebes a'y frut ha dybri; ha hi a ros ynwedh dh'y gour esa gensi, hag ev a dhybris.

2 Samuel 11:12

Ena Davydh a leveris dhe Uria, ‘Trig omma hedhyw ynwedh, hag a-vorow my a'th tannvon dhe-ves.’ Ytho Uria a drigas yn Yerusalem y'n jydh na ha'n jydh a-wosa.

Job 15:16

pyseul dhe le yn mab-den yw kasadow ha legrys, yn gour a yv kammhynseth kepar ha dowr!

Salmow 10:7

Y anow yw leun a vollethi ha falsuri hag arwask; yn-dann y daves yma dregynn hag anewnder.

Lavarow Koth 19:28

Dustunier koeg a wra ges orth gwirvreus, ha ganow an debeles a lenk anewnder

Lavarow Koth 20:17

Bara kevys dre doell yw hweg dhe wour, mes a-wosa an ganow a vydh leun a rowynn.

Ekklesiastes 11:9

Bydh lowen, A wour yowynk, y'th flogholeth, ha gas dha golonn dhe'th wul lowen yn dydhyow dha yowynkneth, ha gwra kerdhes yn fordhow dha golonn, hag yn golok dha dhewlagas, ha godhvydh, y hwra Duw dha dhri yn breus drefenn oll an taklow ma.

Yeremia 2:19

Dha dhrogedh dha honan a'th keredh, ha'th weythresow dislel a'th chasti: godhvydh ytho ha gweles y vos drog ha hwerow, ty dhe eskasa an Arloedh dha Dhuw, ha ma nag eus ow own ynnos, yn-medh an Arloedh, Duw an luyow.