Job 2:7 - An Bibel Kernewek 20234 (Kernewek Kemmyn)

⁷ Ytho Satnas eth yn-rag yn-mes a wel a'n Arloedh, ha plagya Job gans gwennennow kasadow dhiworth godhen y droes bys yn gwartha y benn.

Job 2:7 ပူးပေါင်းရင်းမြစ်များ

2 Samuel 14:25

Mes yn oll Ysrael nyns esa denvyth moy kanmelys rag y dekter ages Absalom; dhiworth godhen y droes bys yn gwartha y benn nyns esa namm vyth ynno.

1 Myghternedh 22:22

“Fatell?” an Arloedh a wovynnas orto. Ev a worthybis, “Yth av yn-mes, ha my a vydh spyrys gowek yn ganow oll y brofoesi.” Ena an Arloedh a leveris, “Ty a'n dyn, ha ty a sewen; ke yn-rag ha'y wul.”

Job 1:11

Mes ystynn dha leuv lemmyn, ha tochya pup-tra oll a'n jeves, hag ev a wra dha villiga y'th fas.’

Job 13:28

Den a dhe goll kepar ha tra bodrek, kepar ha dillas dybrys gans goedhanes.

Job 2:6

An Arloedh a leveris dhe Satnas, ‘Otta, yma ev y'th halloes, saw spar y vewnans.’

Job 30:30

Ow kroghen a dhuha warnav, ha'm eskern a lesk gans fevyr.

Job 7:5

Gwiskys yw ow hig gans kontron ha kresten a dhoust; ow kroghen a galesha, ena pedri.

Ysay 1:6

A wodhen an troes bys an penn, nyns eus yeghes ynno, mes brewyon, kreythennow, ha goliow podrek; ny vons glanhes na lystennys na medhelhes gans oyl.

Ysay 3:17

an Arloedh a dhre krevennow war glopenn myrghes Sion, ha'n Arloedh a lommha aga thal.

Dewteronomi 28:27

An Arloedh a'th wysk gans bryghi Ejyp, ha gans hwedhow, ha gans krevennow, ha dre'n debron, ma na yllydh bos yaghhes.

Dewteronomi 28:35

An Arloedh a'th wysk gans drog vryghi y'th tewlin ha'th tiwarr ma na yllydh bos yaghhes dhiworta, a wodhen dha droes bys y'th krogen.

Diskwedhyans 16:11

Hag i a vlasfemyas Duw nev drefenn aga faynys ha'ga podredhes, ha ny gemmersons edrek a'ga gwriansow.