Job 2:4 - An Bibel Kernewek 20234 (Kernewek Kemmyn)

⁴ Ena Satnas a worthybis dhe'n Arloedh, ‘Kroghen rag kroghen. Pup-tra oll a'n jeves gour, ev a'n re a-barth y vewnans.

Job 2:4 ပူးပေါင်းရင်းမြစ်များ

Jenesis 47:17

Ytho i a dhros aga enyvales dhe Yosep, ha Yosep a ros dhedha bara yn attal a'n vergh ha'n flokkys ha'n gwarthek, hag a'n asenes, hag ev a brovias dhedha bara yn attal rag oll aga enyvales der an vlydhen na.

Jenesis 47:19

Prag yth eson ni ow merwel dherag dha dhewlagas, ha ni ha'gan tir? Pren ni ha'gan tir rag bara, ha ni ha'gan tir a vydh gwesyon dhe Faro. Ro dhyn has, may fewyn ha ma na verwyn, ha ma na vo an tir dibobel.’

1 Myghternedh 20:31

Y wesyon a leveris dhodho, ‘Mir, ni re glewas bos tregeredhus myghternedh chi Ysrael; gwren omwiska gans saghlenn a-dro dh'agan kres ha lovonow war agan penn, ha mos yn-mes dhe vyghtern Ysrael; martesen ev a saw dha vewnans.’

Job 2:3

An Arloedh a leveris dhe Satnas, ‘A bredersys a-dro dhe'm gwas Job? Nyns eus denvyth kepar hag ev war an norvys, gour divlam hag ewnhynsek, ow perthi own a Dhuw hag ow treylya dhiworth drog. Ev a with y lander hwath yn fast, kynth ynnisys warnav y dhistrui heb kaws.’

Job 2:5

Mes ystynn dha leuv lemmyn, ha toch y askorn ha'y gig, hag ev a'th villik dhe'th fas.’

Lavarow Koth 13:8

Daspren bewnans den yw y byth, mes ny'n jeves den boghosek godros.

Yeremia 41:8

Mes yth esa deg gwer kevys yn aga mysk neb a leveris dhe Yshmael, ‘Na'gan ladh, rag ni a'gan beus y'n parkow tresoryow kudhys a waneth, heydh, oyl ha mel.’ Ytho ev a hedhis, ha ny's ladhas war-barth gans aga breder.

Matthew 16:26

Rag py les a vydh dhe dhen mar kwra ev gwaynya oll an bys mes ev a gyll y enev y honan? Po pandr'a wra den y ri yn attal rag y enev?

Matthew 6:25

‘Rakhenna my a lever dhywgh, na wrewgh mos yn prederow a-dro dh'agas bewnans pandr'a dhebrowgh na pandr'a evowgh, na byth moy a-dro dh'agas korf pandr'a wiskowgh. A nyns yw bewnans moy ages boes, ha'n korf ages dillas?

Luk 12:23

Rag bewnans yw moy ages boes, ha'n korf yw moy ages dillas.

Yoshua 9:24

I a worthybis dhe Yoshua, ‘Y feu derivys dhe'th wesyon an Arloedh dha Dhuw dhe worhemmynna dh'y was Moyses ri dhywgh oll an pow, ha distrui oll annedhysi an pow a-ragowgh; ytho ni a berthi own a'gan bewnans a'gas govis, ha rakhenna ni a wrug an dra ma.