Job 2:11 - An Bibel Kernewek 20234 (Kernewek Kemmyn)

¹¹ Pan glewas tri howeth Job a-dro dhe'n drogedh oll ma re dhothya warnodho, i a dheuth pub huni dhiworth y dyller y honan, Elifaz an Temanyas, Bildad an Shuhyas ha Sofar an Naamathyas. I a settyas prys war-barth rag dos dhe geskalari ganso ha rag y gonfortya.

Job 2:11 ပူးပေါင်းရင်းမြစ်များ

Jenesis 25:2

ha hi a dhineythis dhodho Zimran ha Yokshan ha Medan ha Midyan hag Yshbak ha Shuah.

Jenesis 36:11

Mebyon Elifaz o Teman, Omar, Sefo, Gatam ha Kenaz.

Jenesis 36:15

An re ma yw pennternedh mebyon Esaw. Mebyon Elifaz, kynsa-genys Esaw: penntern Teman, penntern Omar, penntern Sefo, penntern Kenaz,

Jenesis 36:34

Yobab a verwis, ha Husham a bow Teman a reynyas yn y le.

Jenesis 37:35

Hag oll y vebyon hag oll y vyrghes a sevis rag y gonfortya mes ev a skonyas a vos konfortys, hag ev a leveris, ‘My a vynn mos yn-nans dhe'n bedh dhe'm mab, ow kyni.’ Ha'y das a oelas ragdho.

1 Kroniklys 1:32

Mebyon Ketura, iswragedh Abraham: hi a dhineythis Zimran, Yokshan, Medan, Midyan, Yshbak ha Shuagh. Mebyon Yokshan: Sheba ha Dedan.

1 Kroniklys 1:45

Pan verwis Yobab, Husham a bow an Temanysi a reynyas yn y le.

1 Kroniklys 7:22

Efraym aga thas a alaris lies dydh, ha'y neskerens a dheuth dh'y gonfortya.

Job 11:1

Ena Sofar an Naamathyas a worthybis:

Job 13:4

Saw byttegyns hwi a'm gwynngalgh gans gowyow, koeg vedhogyon owgh hwi oll.

Job 15:1

Ena Elifaz an Temanyas a worthybis:

Job 16:2

‘My re glewas lies tra a'n par na; konforters ow ri dhymm ahwer owgh hwi oll:

Job 16:20

Ow howetha a'm skorn; ow lagas a dhinew dagrow dhe Dhuw.

Job 18:1

Ena Bildad an Shuhyas a worthybis:

Job 19:19

Oll ow hothmans a'm aborr ha'n re a garen re dreylyas er ow fynn.

Job 19:21

Kemmerewgh pita orthiv, kemmerewgh pita orthiv, hwi ow howetha; rag leuv Duw re'm tochyas.

Job 4:1

Ena Elifaz an Temanyas a worthybis:

Job 42:11

Oll y vreder hag oll y hwerydh a dheuth dhodho ha pubonan re'n aswonnsa kyns ha dybri ganso yn y ji. I a'n konfortyas ha keskodhevel ganso a-dro dhe oll an trobel re dhrosa an Arloedh dhodho, ha pubonan a ros dhodho bath a vona ha bysow a owr.

Job 42:7

Wosa an Arloedh dhe leverel an taklow ma dhe Job ev a leveris dhe Elifaz an Temanyas: ‘Ow sorr re dhewis er dha bynn hag erbynn dha dhew goweth, drefenn na gewssowgh ahanav an pyth yw ewn, kepar dell wrug ow gwas Job.

Job 42:9

Elifaz an Temanyas ha Bildad an Shuhyas ha Sofar an Naamathyas eth ha gul herwydh an pyth a worhemmynnis an Arloedh dhedha; ha'n Arloedh a dhegemmeras pysadow Job.

Job 6:14

‘Neb a skon a ri tregeredh dh'y goweth a forsak own a'n Ollgalloesek.

Job 6:19

An karavanow a Tema a hwila dowr, an dremenysi a Sheba a vir gans govenek.

Job 8:1

Ena Bildad an Shuhyas a worthybis:

Lavarow Koth 17:17

Koweth a gar pup-prys, ha broder yw genys rag gweres yn droglamm.

Lavarow Koth 18:24

Yma dhe wour kowetha a omwra bos kowetha, mes yma gwir goweth hag a len nes ages broder.

Lavarow Koth 27:10

Na forsak dha goweth na koweth dha das; ha na enter dhe ji dha vroder yn dydh dha derroes. Gwell yw kentrevek eus yn ogas ages broder eus pell.

Ysay 51:19

An dhew dra ma re hwarva dhis; piw a geskodhev genes? Gwastya ha distrui, divoetter ha kledha; piw a'th konfort?

Yeremia 49:7

A-dro dhe Edom. Yndellma y lever an Arloedh: A nyns eus furneth na fella yn Teman? Yw kusul an dhoethyon gyllys dhe goll? Yw pedrys aga furneth?

Obadia 1:9

Dha gasoryon a berth own, Teman, rag bos pub den oll a venydh Esaw treghys dhe-ves.

Yowann 11:19

Ha lies a'n Yedhewon a dheuth dhe Martha ha dhe Varia dh'aga honfortya a-dro dh'aga broder.

Romanyon 12:15

Lowenhewgh gans an re a lowenha, oelewgh gans an re a oel;

1 Korinthianys 12:26

Mar kodhev unn esel, an eseli oll a wodhev ganso; mars yw enorys unn esel, an eseli oll a lowenha war-barth.

Ebrowyon 13:3

Perthewgh kov a'n brisnoryon par dell vewgh prisonys war-barth gansa; ha'n re yw kammdhyghtys, a-ban esowgh hwi ynwedh y'n korf.

Yoshua 15:41

Gederoth, Beth-dagon, Naama, ha Makkeda: hwetek sita gans aga godrevow.